Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Иран Ислам Республикасынын Хариҹи Ишләр Назирлиjинин сөзчүсү ханым Мәрзиjә Әфхәм ноjабрын 19-да журналистләрлә ҝөрүшүндә Азәрбаjҹан Республикасында тутулмуш ИИР вәтәндашындан данышыб.
Мәрзиjә Әфхәм “Азәрбаjҹан Республикасында тутулан Иран Ислам Республикасынын вәтәндашынын вәзиjjәти, она бу өлкәнин зинданында ишҝәнҹә верилмәси иддиалары һагда нә деjә биләрсиниз” суалыны белә ҹавабландырыб: “Азәрбаjҹан Республикасында сионист режимин сәфирлиjинин габағындан кечәркән тутулан Иран Ислам Республикасынын вәтәндашынын һәбс олунмасындан сонра Ислам Ҹүмһуриjjәтинин бу өлкәдәки сәфирлиjи илкин тәдбирләр ҝөрмәjә башлаjыб. Биз Азәрбаjҹан рәсмиләринә нота ҝөндәрәрәк тутулан вәтәндашымызын дуруму, еләҹә дә она ишҝәнҹә верилмәси хәбәринин дүз олуб-олмадығы мәсәләсинә аjдынлыг ҝәтирилмәсини истәмишик. Бундан башга даһа бир мәктубла Бакыдакы консуллуғумузун һәмин шәхслә әлагә сахламасына, онунла ҝөрүшмәсинә шәраит jарадылмасыны тәләб етмишик...
Азәрбаjҹан зинданларында Иран Ислам Республикасы вәтәндашына ишҝәнҹә верилдиjи һагда өтән ҝүн мәлуматлар jаjылыб. Биз бу хәбәрдән чох тәәссүфләнирик. Әҝәр бу мәлуматлар дүз чыхса, Азәрбаjҹан рәсмиләри буна ҝөрә ҹавабдеһ олмалыдырлар. Биз өлкәмизин Азәрбаjҹандакы сәфирлиjи илә әлагә сахламышыг, сәфирлик Азәрбаjҹан тәрәфинә рәсми бир мәктубла мүраҹиәт едәрәк хәбәрин дүз олуб-олмадығы илә марагланыб. Мәсәлә һәссаслыгла изләнилир. Еjни заманда һесаб едирик ки, Азәрбаjҹан рәсмиләри мәсәлә илә бағлы ҹаваб вермәк үчүн тәҹили тәдбир ҝөрмәлидирләр”.
Геjд едәк ки, ики ҝүн өнҹә Бакыда тутулан Иран Ислам Республикасынын вәтәндашы Һәсән Фәрәҹинин Бакы полисинин Бинәгәдидәки инзибати һәбс мәнтәгәсиндә ишҝәнҹәләрә мәруз галдығы һагда мәлумат jаjылыб. Белә ки, сахланылан шәхсин бәдәни сигаретлә jандырылараг ондан Исраиллә бағлы етираф алмаға чалышыблар. Ишҝәнҹә хәбәрини исә Һәсән Фәрәҹинин jахынлары чатдырыб.
Диггәт: Хәбәрдән истифадә етдикдә мәнбәjә истинад лазымдыр
