Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Гарабағ Азадлыг Тәшкилаты Русиjа рәсми даирәләри вә мәтбуатынын азәрбаjҹанлы Орхан Зеjналовла бағлы апардығы гәрәзли кампаниjаны вә анти-Азәрбаjҹан тәблиғатыны писләjән бәjанат jаjыб.
Бәjанатда деjилир: “Биз ҝүнаһы мәһкәмә гәрары илә сүбут олунарса, Орхан Зеjналовун истәнилән ҹәзаны чәкмәсинин тәрәфдарыjыг. Лакин һеч бир сүбут олмадан Орхан Зеjналовун артыг ҹинаjәткар елан олунмасыны вә бу һадисә үзәриндән Азәрбаjҹана гаршы чиркин кампаниjанын апарылмасыны, Русиjада анти-Азәрбаjҹан әһвал-руһиjjәсинин jарадылмасы вә ҝүҹләндирилмәсини jолверилмәз һесаб едирик.
Биз Русиjада азәрбаjҹанлылара гаршы чиркин, иргчи кампаниjанын апарылмасыны, азәрбаjҹанлылара гаршы тәзjиг вә тәгибләрин тәшкилини, онларын тиҹарәт вә диҝәр мүәссисәләринин дағыдылмасыны, талан едилмәсини, Орхан Зеjналовун сахланыларкән зора мәруз галмасыны, тәһгир едилмәсини, мәһкәмә гәрары олмадан ҹинаjәткар елан едилмәсини гәтиjjәтлә писләjир вә һесаб едирик ки, Азәрбаjҹан һөкумәти бу ҹүр анти-Азәрбаjҹан сиjасәти jеридән Русиjа илә мүнасибәтләринә jенидән бахмалыдыр”.
Гарабағ Азадлыг Тәшкилатынын фикринҹә, Русиjа һүгуг мүһафизә органларынын гәрәзли мөвгеjини әсас ҝөтүрәрәк вә Орхан Зеjналовла бағлы обjектив арашдырманын апарылаҹағына һеч бир инамын олмадығыны нәзәрә алараг онун дәрһал Азәрбаjҹана екстрадисиjа олунмасы тәмин едилмәлидир.
Диггәт: Хәбәрдән истифадә етдикдә мәнбәjә истинад лазымдыр
