Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, сионист исраил режиминин Милли Тәһлүкәсизлик Шурасынын (МТШ) сабиг сәдри Ҝиура Аjленд ишғалчы исраил режиминин Ливан Һизбуллаһ Тәшкилаты гаршысында аҹизликинә ачыг етираф едәрәк билдириб: “Һизбуллаһ Тәшкилаты илә ҝәләҹәкдә баш верәҹәк мүһарибә еjни илә 2006 –ҹы илдә башланан мүһарибә кими олаҹаг. Исраил чохлу хәсарәтләр вермәjә мәҹбур галаҹаг. Чүнки Һизбуллаһ дөjүш тактикасы бахымындан исраилдән чох чох ирәлидәдир”.
О, билдириб: “Исраил ордуда стратежи дәjишиликләр етмәсә, мүдафиә ҝүҹүнү артырмаса Һизбуллаһ гаршысында һеч заман гәләбә газана билмәjәҹәк”.
МТШ-ин сабиг сәдри Ҝиура Аjленд даһа сонра деjиб: “1973 илдән бу тәрәфә дөjүшләрин бөjүк әксәриjjәти мүхтәлиф тәшкилатларла баш вериб. Классик мүһарибәдә дүшмән гүввәси мәлумдур, амма геjри дөвләт тәшкилатлары илә мүһарибәдә исә- Ливанда олдуғу кими, дүшмән вә онун гәрар тапдығы мәкан намәлумдур”.
Сабиг сионист башчысы даһа сонра исраилин аҹизликинә етираф едәрәк деjиб: “Һизбуллаһ илә мүһарибә етмәк олдугҹа чәтиндир, кәшфиjjат васитәси илә әлә ҝәтирилән мәлуматлар да фаjдасыздыр. Чүнки дүшмән дөjүшчүләрин бир мәкандан диҝәр мәкана jер дәjишмәләри ан ба ан баш верир. Әҝәр Һизбуллаһын рәһбәрләри мүәjjән бир бинада jерләшәрләрсә, бизим дә бундан хәбәримиз оларса jенә дә тез бир заманда бир иш ҝөрмәк габилиjjәтинә малик деjилик. Даһа доғрусу бу ҝизли мәлуматларын әмәлиjjат бахымындан һеч бир әһәмиjjәти jохдур, она ҝөрә ки, мәлуматлар баш гәрәрҝаһа чатдығы заман артыг биналарда һеч ким галмаjыб һаммы ораны тәрк едәрәк диҝәр мәкна көчүбләр...”
Диггәт: Хәбәрдән истифадә етдикдә мәнбәjә истинад лазымдыр
