Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Азәрбаjҹан Дөвләт Нефт Академиjасында (АДНА) нөвбәти өзбашыналыг геjдә алыныб.
Белә ки, бу ҝүн Абна.ир саjтынын редаксиjасына сөзүҝедән университетдә ҹари илин Март аjынын 4-дә “Һиҹаб”-ла бағлы jаранмыш проблемин бу ҝүнә кими өз һәллини тапмадығы һагда мәлумат дахил олуб. Мәлуматда Азәрбаjҹан Дөвләт Нефт Академиjасында ишләjән Һиҹаблы ханымларын да артыг сентиjабр аjынын 4-дән ишә бурахылмадыглары билдирилир.
Мәктубда деjилир: “Саламун әлеjкум. Сизи нараһат етмәкдә мәгсәдим сизә билдирмәкдир ки, Нефт Академиjасында һәлә дә һиҹаб проблеми давам едир. Артыг сабаһдан дәрсләр басланыр jенә еjни стресләрлә гарсиласаҹаҝыг. Бу вахта кими бунун сәс-куjә сәбәб олмамасинин сәбәби тәләбәләрин тәтилдә олмасидир...”
“Бизим Аллаһдан басга комәк едәнимиз jохдур”- деjә билдирәрәк, саjтымызын әмәкдашларындан бу мәсәләни тез бир заманда ишыгландырмаларыны истәjән Һиҹаблы Ханым, бу jолда мусәлман олараг бир-биримизә дәстәк олмамызын ваҹиб олдуғуну вурғулаjыб.
Әмәкдашларымызын апардыглары арашдырмалардан мәлум олду ки, Азәрбаjҹан Дөвләт Нефт Академиjасы, гәбул етдикләри “низамнамә”jә әсасланараг анти-конститусион аддымлар атыр. Низамнамәнин 7.9.-дә деjилир: “АДНА-да тәһсилаланларын ҝеjими садә, мүасир, раһат, дүнjәви тәһсилин вә дүнjа мәдәниjjәтинин руһуна jад үнсүрләрдән кәнар, дини вә ифратчылыг атрибутларындан узаг олмалыдыр. Гыз тәләбәләрин баш өртүjү (һиҹаб), оғлан тәләбәләрини исә саггал бурахыб дәрсләрдә иштиракына jол верилмир.”
АДНА-да гәбул олунан “низамнамә”нин исә һансы дәрәҹәдә геjриконститусион олмасы, Һиҹабын (баш өртүjү) jад үнсүр мәдәниjjәтинә аид едилмәси вә ифратчылыг атрибутларындан саjылмасы ашағыда Азәрбаjҹан Республикасынын Конститусиjасындан чыхардылмыш маддәләрә нә дәрәҹәдә зидд олдуғу аjдын мүшаһидә олунур.
«Азәрбаjҹан Республикасынын Конститусиjасы
"Азәрбаjҹан Республикасынын дөвләт мүстәгиллиjи һаггында" Конститусиjа Актында әкс олунан принсипләри әсас ҝөтүрәрәк, бүтүн ҹәмиjjәтин вә һәр кәсин фираванлығынын тәмин едилмәсини арзулаjараг, әдаләтин, азадлығын вә тәһлүкәсизлиjин бәргәрар едилмәсини истәjәрәк, кечмиш, индики вә ҝәләҹәк нәсилләр гаршысында өз мәсулиjjәтини анлаjараг, суверен һүгугундан истифадә едәрәк, тәнтәнәли сурәтдә ашағыдакы ниjjәтләрини бәjан едир:
- Азәрбаjҹан дөвләтинин мүстәгиллиjини, суверенлиjини вә әрази бүтөвлүjүнү горумаг;
- Конститусиjа чәрчивәсиндә демократик гурулуша тәминат вермәк;
- вәтәндаш ҹәмиjjәтинин бәргәрар едилмәсинә наил олмаг;
- халгын ирадәсинин ифадәси кими ганунларын алилиjини тәмин едән һүгуги, дүнjәви дөвләт гурмаг;
Биринҹи бөлмә. Үмуми мүддәалар
2-ҹи фәсил. Дөвләтин әсаслары
Маддә 12. Дөвләтин али мәгсәди
I. Инсан вә вәтәндаш һүгугларынын вә азадлыгларынын, Азәрбаjҹан Республикасынын вәтәндашларына лаjигли һәjат сәвиjjәсинин тәмин едилмәси дөвләтин али мәгсәдидир.
Икинҹи бөлмә. Әсас һүгуглар, азадлыглар вә вәзифәләр
3-ҹү фәсил. Әсас инсан вә вәтәндаш һүгуглары вә азадлыглары
Маддә 24. Инсан вә вәтәндаш һүгугларынын вә азадлыгларынын әсас принсипи
I. Һәр кәсин доғулдуғу андан тохунулмаз, позулмаз вә аjрылмаз һүгуглары вә азадлыглары вардыр.
II. Һүгуглар вә азадлыглар һәр кәсин ҹәмиjjәт вә башга шәхсләр гаршысында мәсулиjjәтини вә вәзифәләрини дә әһатә едир.
Маддә 25. Бәрабәрлик һүгугу
I. Һамы ганун вә мәһкәмә гаршысында бәрабәрдир.
III. Дөвләт иргиндән, миллиjjәтиндән, дининдән, дилиндән, ҹинсиндән, мәншәjиндән, әмлак вәзиjjәтиндән, гуллуг мөвгеjиндән, әгидәсиндән, сиjаси партиjалара, һәмкарлар иттифагларына вә диҝәр иҹтимаи бирликләрә мәнсубиjjәтиндән асылы олмаjараг һәр кәсин һүгуг вә азадлыгларынын бәрабәрлиjинә тәминат верир. Инсан вә вәтәндаш һүгугларыны вә азадлыгларыны ирги, милли, дини, дил, ҹинси, мәншәjи, әгидә, сиjаси вә сосиал мәнсубиjjәтә ҝөрә мәһдудлашдырмаг гадағандыр.
IV. Һеч кәсә бу маддәнин III һиссәсиндә ҝөстәрилән әсаслара ҝөрә зәрәр вурула билмәз, ҝүзәштләр вә jа имтиjазлар верилә билмәз, jахуд ҝүзәштләрин вә jа имтиjазларын верилмәсиндән имтина олуна билмәз.
В. Һүгуг вә вәзифәләрлә бағлы гәрарлар гәбул едән дөвләт органлары вә дөвләт һакимиjjәти сәлаһиjjәтләринин дашыjыҹылары илә мүнасибәтләрдә һәр кәсин бәрабәр һүгуглары тәмин едилир.
Маддә 28. Азадлыг һүгугу
I. Һәр кәсин азадлыг һүгугу вардыр.
II. Азадлыг һүгугу jалныз ганунла нәзәрдә тутулмуш гаjдада тутулма, һәбсәалма вә jа азадлыгдан мәһруметмә jолу илә мәһдудлашдырыла биләр.
Маддә 42. Тәһсил һүгугу
I. Һәр бир вәтәндашын тәһсил алмаг һүгугу вардыр.
Маддә 46. Шәрәф вә ләjагәтин мүдафиәси һүгугу
I. Һәр кәсин өз шәрәф вә ләjагәтини мүдафиә етмәк һүгугу вардыр.
II. Шәхсиjjәтин ләjагәти дөвләт тәрәфиндән горунур. Һеч бир һал шәхсиjjәтин ләjагәтинин алчалдылмасына әсас верә билмәз.
III. Һеч кәсә ишҝәнҹә вә әзаб верилә билмәз. Һеч кәс инсан ләjагәтини алчалдан рәфтара вә jа ҹәзаjа мәруз гала билмәз...
Маддә 48. Виҹдан азадлығы
I. Һәр кәсин виҹдан азадлығы вардыр.
IV. Дини етигад вә jа әгидә һүгуг позунтусуна бәраәт газандырмыр.
V. Һеч кәс өз дини етигадыны вә әгидәсини ифадә етмәjә (нүмаjиш етдирмәjә), дини мәрасимләри jеринә jетирмәjә вә jа дини мәрасимләрдә иштирак етмәjә мәҹбур едилә билмәз.»
Диггәт: Хәбәрдән истифадә етдикдә мәнбәjә истинад лазымдыр
