Әһли Беjт (әлеjһимус сәлам) -АБНА- Хәбәр Аҝентлиjи- Суријанын һавадан мүдафиә системи там дөјүш һазырлығы вәзијјәтинә ҝәтирилиб вә һәрби мүдахилә баш вердикдә истәнилән нөв һава һүҹумуну дәф етмәјә һазырдыр.
“РИА Новости”нин вердији хәбәрә ҝөрә, бу барәдә Иранын ФАРС аҝентлији Суријанын һәрби даирәләриндәки мәнбәләринә истинадла мәлумат јајыб.
Хатырладаг ки, Суријанын баш назири Ваил Һалки өтән ҝүн Гәрб өлкәләринин мүнагишәјә мүдахилә еһтималыны шәрһ едәркән дејиб ки, Сурија ордусу бүтүн чағырышлара ҹаваб вермәјә һазырдыр. “Орду сәфәрбәр олунуб. Орду истәнилән чағырышлары вә ссенариләри гаршыламаға һазырдыр”, дејә баш назир бәјан едиб.
“Сурија һавадан мүдафиә системи там дөјүш һазырлығы вәзијјәтинә ҝәтирилиб вә истәнилән һава һәдәфини вурмаға гадирдир. АБШ һәрби әмәлијјат олаҹағы тәгдирдә “Круз” вә “Томагавк” типли ракетләрдән истифадә етмәк нијјәтиндәдир, лакин Суријанын радио-локасија стансијалары ракетләрин һәдәфә чатмағына 10 дәгигә галмыш ашкарлаја билир вә онлар мүәјјәнләшдикдә исә мәһв едиләҹәк”, дејә аҝентлик мүсаһибин сөзләрини ситат ҝәтириб. Лакин аҝентлик һавадан мүдафиә системинин һансы нөвүндән сөһбәт ҝетдијини ачыгламајыб.
Диггәт: Хәбәрдән истифадә етдикдә мәнбәjә истинад лазымдыр
