Әһли Беjт (әлеjһимус сәлам) -АБНА- Хәбәр Аҝентлиjи- Августун 31-дә саат 15:30 радәләриндә Ширвандакы “Елит” тиҹарәт мәркәзиндә алверлә мәшғул олан вәһһаби тәригәтинә мәхсус шәхсләр арасында дава олуб. Мәлумат верән мәнбә һадисәни бу ҹүр нәгл едиб: “Дава едән шәхсләр 5-6 нәфәр олублар. Вәһһабиләр онларын сыраларына јени гошулмуш Тејмур адлы шәхсә (сојадыны дәгигләшдирә билмәдик-ред.) нечә вахт имиш саггал сахламағы тапшырыбмыш. Амма о, бу тапшырыға мәһәл гојмурмуш. Она ҝөрә дә Тејмурла тәригәт јолдашлары арасында мүбаһисә јараныб. Ону 5 нәфәр вәһһаби тиҹарәт мәркәзинин гаршысында дөјүб”.
Дава заманы бычаглашма олдуғу да билдирилир. Мәнбә Тејмуру дөјән вәһһабиләрдән ики нәфәринин адыны сөјләди. Бунлар Елнар вә Шаһлар адлы Ширван сакинләридирләр. Амма онларын да сојадларыны дәгигләшдирә билмәдик. Әлдә етдијимиз мәлумата ҝөрә, Тејмур дава заманы хәсарәт алыб. Амма о, хәстәханада јох, евдә мүалиҹә олунур.
Мәнбәнин билдирдијинә ҝөрә, полис иши өрт-басдыр етмәјә чалышыр. Даванын вәһһабиләрлә анлашдыгдан сонра рәсмиләшдирилмәдији дејилир. Хәбәр редаксијаја ҝеҹ саатларда дахил олдуғу үчүн ДИН мәтбуат хидмәти илә әлагә сахлаја билмәдик (мусават).
Диггәт: Хәбәрдән истифадә етдикдә мәнбәjә истинад лазымдыр
