Әһли Беjт (әлеjһимус сәлам) -АБНА- Хәбәр Аҝентлиjи- Хәбәр вердиjимиз кими, Азәрбаjҹан Ислам Партиjасы (АИП) Президент сечкиләринә өз намизәди олан Доктор Мөвсүм Сәмәдовла гошулаҹагларыны бәjан етмишди. АИП лидери Мөвсүм Сәмәдовун һәбсдә олмасы белә бир суал jарадыр ки, бирдән онун намизәдлиjи геjдиjjата алынмаса, АИП сечкиләрдә ким илә тәмсил олунаҹаг?.
бу суала ҹаваб тапмаг үчүн Бирлик.аз саjты, "Әхлаглы Сечки вә Әдаләтли Һакимиjәт Уғрунда" сечки блокунун рәһбәри, еjни заманда АИП- сәдринин сиjаси мәсәләләр үзрә мүавини Акиф Һеjдәрлиjә мүраҹиәт едиб.
Акиф Һеjдәрли өз нөвбәсиндә бунлары деjиб: “АИП-ин кифаjәт гәдәр ҝүҹлү сосиал базасы вардыр ки, бу да партиjанын ҝүндән-ҝүнә артмагда олан перспективиндән хәбәр верир. Мәһз һакимиjjәти дә нараһат едән ән мүһүм ҹәһәт АИП сыраларынын һәр ҝүн ҝүҹләнмәси вә ҹәмиjjәтдә артан нүфүзудур. Инанырам ки, АИП вә онун лидерләри үзәринә басгы вә тәһдидләр, һагсыз һәбсләр, ағыр иттиһамлар мәһз партиjанын һазыркы шәраитдә ҹәмиjjәтдә газандығы бөjүк инам вә етимаддыр. Мәлум олдуғу кими, АИП бу ил кечириләҹәк президент сечкиләринә фәаллыгла гошулмушдур. Биз гурумун сәдри Мөвсүм Сәмәдовун намизәдлиjинин дәстәкләнмәсини гәрара алмышыг. Әслиндә, бу илки сечкиләрә М.Сәмәдовун намизәдлиjи өтән президент сечкиләриндән сонра нәзәрдә тутулмушду. Амма аталар демишкән, " сән саjдығыны саj, ҝөр фәләк нә саjыр". Һаҹы Мөвсүм Сәмәдовун сиjаси сифаришлә һәбс олунмасы мәһз президентлиjә ҹидди рәгибин олмамасы үчүн һәjата кеҹирилән ән бөjүк әдаләтсизлик кими гиjмәтләндирилмәлидир. Бүтүн бунлара бахмаjараг, "Әхлаглы сечки вә әдаләтли һакимиjjәт уғрунда" сечки блокунун jаратдығы сечки гәрарҝаһында Президентлиjә намизәд ирәли сүрүлмүш Һаҹы Мөвсүм Сәмәдовун намизәдлик сәнәдләри һазырланараг МСК-jа тәгдим олунаҹаг. Чүнки биз бу ҝүн дә М.Сәмәдовун һәбсинин сифаришли олмасыны деjирик вә онун мәһбус деjил, мәһз сечкидән кәнарлашдырылмасы үчүн һакимиjjәт тәрәфиндән ганунсуз олараг изолjасиjа олунмасыны бәjан едирик вә әдаләтин сонда гәләбә чалаҹағына инанырыг. О ки, галды сечкидә иштирака, биз партиjамыздан башга бир намизәдин ирәли сүрүлмәсинә лүзүм ҝөрмүрүк, Амма М.Сәмәдовун намизәдлиjи геjдә алынмадығы тәгдирдә халгымыза ләjагәтлә хидмәт едә биләҹәк һәр һансы бир намизәди – критериjаларымыза ҹаваб верәҹәjи тәгдирдә дәстәкләjә биләрик. Нә олурса-олсун, сешкидә сөзүмүзү деjәҹәjик. Бундан өтрү сечки ҝүнүнә һазырлығымызы дурмадан давам етдирмәк фикриндәjик.”
Аббас Әлиоғлу
Диггәт: Хәбәрдән истифадә етдикдә мәнбәjә истинад лазымдыр
