Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Сурија күрдләри, Рәсул Ејн шәһәрини азғын вәһаби јараглыларындан тәмизләјәрәк, әл-Гаидә террор груплашмасынын баш гәрәрҝаһындакы чохлу сајда әһәмијјәтли сәнәдләр әлә кечирибләр.
Сәнәдләр арасында, “Түркијә” дөвләтинин бирбаша јардымы илә Сурија торпагларына өтүрүлән мүхтәлиф өлкә террорчуларынын кимлик вәсигәләри дә мөвҹуддур.
“Динҹ Дәјишиклик Күрд Милли Һәрәкаты”нын Баш Катиби Әли Бәшшар әл-Умери, сәнәдләри медиа васитәси илә јајымлајараг, билдириб : “Биз, јараглылара гаршы апардығымыз әмәлијјатлар заманы, өлдүрүлмүш террорчулар сырасында “Түрк” вәтәндашларынын вә Франса илә Түркијә тәҹили јардым машынларынын олдуғуну мүшаһидә едәрәк, мүсадирә етмишик. Јараглылардан әлә кечиртдијимиз сәнәдләр арасында “Түркијә” бајрағлары да мөвҹуддур.”
Ашағыда мүшаһидә едәҹәјиниз шәкилләр, там әминликлә буну чатдырыр ки, Суријада јаранмыш гондарма “Шам вә Ираг Дөвләти”нин әкәср үзүвләри хариҹи өлкә вәтәндашларындан ибарәтдир. Вә кимлик вәсигәләринин Тунис, Түркијә, Гәтәр, Бәһрејн, Америка, Мисир, Әрәбистан, Әрәб Әмирликләри вә Ираг дөвләтинә аид олдуғу да данылмаздыр.
Диггәт: Хәбәрдән истифадә етдикдә мәнбәјә истинад лазымдыр
