Әһли Бејт -АБНА- Хәбәр Аҝентлијинин вердији хәбәрә әсасән Ливан “Һизбуллаһ” һәрәкатынын лидери Сејид Һәсән Нәсруллаһ “Мүгавимәт вә Азадлыг ҝүнү” (Һизбуллаһ Тәшкилатынын сионист исраил режиминә гаршы газандығы Гәләбә ҝүнү) мүнасибәтилә чыхыш едиб.
О бу ҝүн мүнасибәтилә Фәләстин Торпагларыны ишғал едән сионист исраил режиминин дүшмәнләрини тәбрик едәрәк чыхышына башлајыб:
Шәһидләри јад едирик...
Бу ҝүн шәһидләри, гурбанлары, аиләләрини, јаралылар, фәдакарлары, азадлығына говушан әсирләри, халгымызы, торпагларында мүгавимәт ҝөстәрән аиләләримизи, орду, халг вә мүгавимәтдән гурбанлар верәнләри, Фәләстинлиләрдән вә Суријалылардан гурбанлар верәнләри еһтирамла јад едирик. 25 Мај 2000, Аллаһын ҝүнләриндән бир ҝүндүр, Аллаһын рәһмәтинин, бәрәкәтинин, көмәјинин, дәстәјинин мүгавимәт ҝөстәрән халгымыз үзәриндә тәҹәлли етдији бир ҝүндүр. Аллаһын гәзәбинин сионист ишғалчылар үзәриндә тәҹәлли етдији бир ҝүндүр. Бу ҝүн мүгавимәт вә азадлыг бајрамдыр. Бу ҝүн бејинләрдә һәмишә јашамалы вә јаддан чыхмамалыдыр.Бу бајрамы гејд едәркән бәзи тәһлүкәләрлә үз-үзәјик. Биз бу ил мүгавимәт вә гуртулуш бајрамыны гејд едәркән бәзи тәһлүкәләрлә үз-үзәјик. Биринҹи тәһлүкә ашкар дүшмән олан Исраил, икинҹи исә Суријада баш верән һадисәләрдир.
Исраил базар ҝүнү һәрби тәлим кечәҹәк...
Исраил јени адла һәрби тәлим кечәҹәк. Бу дәфә һәмишәки кими һәрби тлимә “дөнүш нөгтәси 7” әвәзинә “мөһкәм ҹәбһә 1” адыны гојуб. Бунунла онлар дөјүшә һазыр олдугларыны билдирирләр. Исраил һәр ҝүн Ливаны, Суријаны тәһдид едир.АБШ Ливан ордусунун силаһланмасына манеә төрәдир...Биз нијә ордуну ҝүҹләндирмирик? –дејәндә буна АБШ вето гојур дејиләр. Бу дүздүр. Ордумузун силаһландырымасы гадаған едилиб. Суријанын С300-ә саһиб олмасы гадаған едилиб. Әрәб өлкәләринин дә марағы илә бу баш верир. Чүнки, ордумуз миллидир, мүгавимәт кими дөјүшдүјүнү билирләр. Чүнки. Ордумуздакы әсҝәр вә забитләр вәтәнин оғулларыдыр.
Исраил дүнја јәһидиләрини Ливанла сәрһәдә топлајыр...
Исраиллиләр Ливан сәрһәдиндә мәскунлашма мәркәзләри тикир. Дүнјанын фәргли бөлҝәләриндән ҝәлән јәһудиләрә тәлим кечирләр. Чүнки онларын ролу, сәрһәд бөлҝәсинин тәһлүкәсизлијидир. Биздә исә сәрһәддә әсрләрдән бәри вар олан кәндләр вар. Дөвләтдән ҝөзләнтимиз онларын горунмасыдыр.
Силаһымызы әлимиздән алмаға ҝүҹүнүз чатмаз...
Мүгавимәтин силаһыны әлиндән алмағы дүшүнәнләр билсинләр ки, буна мүвәффәг олмајаҹаглар. Буна ҝүҹләри чатмаз. Чүнки Исраилә гаршы дөјүшән мүгавимәтә, халг гуҹаг ачмагдадыр. Дөвләт, һазырда мүгавимәтин етдији вәзифәни јеринә јетирәнә гәдәр силаһы јерә гојмајаҹағыг. Чүнки һал һазырда дөвләт, Сајдадакы шәһидин ҹәназәсини белә горуја билмәјәҹәк ҝүҹдәдир.
Мүгавимәт давам едәҹәк...
Мүгавимәтдәки мәсулијјәтләримизи јеринә јетирмәјә давам едәҹәјик. Тәзјигләр вә гаралама кампанијалары бизи јолумуздан дөндәрә билмәз. Мүгавимәт, өлкәсини мүдафиә етмәјә давам едәҹәк, башы дик олараг галаҹаг. Ҝүҹлү вә әдаләтли бир дөвләтин гурулмасы һалында о дөвләтин әмри алтында дөјүшәҹәјик.Дөвләтин варлығы, һәр һансы бир бошлуг вә хаосдан үстүндүр. Дөвләтдә бошлуг истәмәдијимизин дәлили, милләт вәкили сечкиси үчүн намизәдләримизи 60-ҹы Гануна ҝөрә тәгдим етмәмиздир.
Сурија мәсәләләри...
Суријада јашанан һадисәләр һәгигәтән дә чох әһәмијјәтлидир. Ливаны Суријадакы ганлы гаршыдурмалардан узаг тутмалыјыг. Әҝәр биз, Суријада дөјүшмәк истәсәјдик дөјүшәрдик. Сурија һакимијјәти әввәл ҝүндән диалогу вә ислаһатлары гәбул етди, лакин мүхалифәт диалогу рәдд етди. Бөһранын һәлли үчүн гәбул едилә биләр тәклифләр ҝүндәмә ҝәлди, Сурија лидерлији бу тәклифләри гәбул етди лакин бөлҝә өлкәләри рәдд етди. Суријадакы силаһлы груплара өндәрлик едән тәкфирчиләрдир. Бәзи Әрәб дөвләтләри, һәм Сурија режиминдән хилас олмаг һәм дә тәкфирчиләрдән хилас олмаг үчүн тәкфирчиләрин өз торпагларындан Суријаја кечишини асанлашдырыр. Тәкфирчи ҹамаатларын, Ливана сәрһәд олан шәһәрләрдә идарәни әлә кечирмәләри, бүтүн Ливанлылар үчүн тәһлүкә мејдана ҝәтирмәкдәдир. Суријада дөјүшәнләр, Тәкфирчи Ираг “Ислам” Дөвләтинин шахәләридир.
Бәс тәкфирчиләрә нијә нараһат олмурсуз?
Сурија, мүгавимәтин дәстәкчиси олмушдур. Мүгавимәт күрәјинә вурулан зәрбә гаршысында әлләри голлары бағлы дајанмајаҹаг. Әҝәр Сурија ҝетсә, Фәләстин ҝедәҹәк. Сурија "достлар"ы "Һизбуллаһ"ын аз сајда дөјүшчүсүнүн Суријада варлығына етираз едирләр. Бәс нәјә ҝөрә минләрлә тәкфирчинин Суријаја ахын етмәсинә бир дәфә дә олсун етираз етмәдиләр. “Һизбуллаһ”ын Америка, Исраил вә тәкфирчиләрин олдуғу ҹәбһәдә дајанмасы мүмкүн дејил. Биз мүгавимәтимизлә Ливаны, Фәләстини вә Суријаны мүдафиә едирик.
Сүнниләри мүдафиә етмәк үчүн Боснија вә Һерсеговинада дөјүшмүшүк...
Һаггымыздакы гаралама кампанијалары, Суријаја мүдахилә етсәк дә, етмәсәк дә дајанмајаҹаг. АБ-нин бизи, террор сијаһысына салма тәһдиди бизи марагландырмыр.Һеч ким “Һизбуллаһ”ы мәзһәбчиликлә иттиһам едә билмәз. “Һизбуллаһ” о дөврләрдә Боснија вә Һерсеговина мүсәлманларыны мүдафиә етмәк үчүн дөјүшә ҝетди. Орада шиәләр јох, сүнниләр иди. Биз һазыда јени бир мәрһәләдәјик. Биз јолу давам етдирәҹәјик вә һәр шејә дөзәҹәјик. Сизә һәмишә вәд етдијим гәләбәләри јенә дә вәд едирәм.
Гејд едәк ки, бәзи дүнја вә өлкә КИВ-и Сејид Һәсән Нәсруллаһын фикирләрини тәһриф едиб. Мәсәлән: онун "тәкфирчи" сөзүнү "радикал исламчы" кими јајыблар.
Диггәт: Хәбәрдән истифадә етдикдә мәнбәјә истинад лазымдыр
