Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән бу ҝүн Бакы Ағыр Ҹинајәтләр Мәһкәмәсиндә “Толиши Сәдо” гәзетинин һәбсдә олан тәсисчиси вә баш редактору профессор Һилал Мәммәдовун ҹинајәт иши үзрә мәһкәмә просеси давам етдирилиб.
Вәкил Ҹавад Ҹавадлынын вердији мәлумата ҝөрә, һаким Азәр Оруҹовун сәдрлији илә кечирилән просесдә Һ. Мәммәдов она гаршы ирәли сүрүлән наркотик иттиһамы илә бағлы ҝениш ифадә вериб. Лакин һаким ондан гыса ифадә вермәји тәләб едиб. Һ. Мәммәдовун вәкилләри исә һакимин тәләбинә гаршы чыхыблар. Онлар һаким тәркибинә етиразла бағлы вәсатәт һазырламаг үчүн мәһкәмәдән вахт истәјибләр. Онларын истәји јеринә јетирилиб вә просес мајын 29-дәк тәхирә салыныб.
Гејд едәк ки, Дахили Ишләр Назирлијинин Һ. Мәммәдовун һәбси илә бағлы јајдығы САХТА мәлуматда онун ИИР хүсуси хидмәт органлары илә әмәкдашлыгда “шүбһәли” билинәрәк һәбс олундуғу, һәбс олунан заман үзәриндә вә јашадығы мәнзилдә үмуми чәкиси 33,183 грам олан “наркотик васитә - һероин”, һәмчинин “ганунсуз фәалијјәтиндә” истифадә етдији информасија дашыјыҹылары ашкар едилдији гејд олунуб.
Һилал Мәммәдов мөвҹуд әлијевләр режиминин Гондарма Ҹинајәт Мәҹәлләсинин 274-ҹү (дөвләтә хәјанәт), 283.2.2-ҹи (милли, ирги, сосиал вә ја дини нифрәт вә дүшмәнчилијин салынмасы) вә 234.4.3-ҹү (ганунсуз олараг күлли мигдарда наркотик васитәләри әлдә етмә, сахлама вә сатма) маддәләри илә ШӘРЛӘНИЛИР.
Диггәт: Хәбәрдән истифадә етдикдә мәнбәјә истинад лазымдыр
