Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән Вирҹин адаларындакы оффшор ширкәтләрлә бағлы фактларын иҹтимаиләшмәси вә дүнја медиасынын бу сырада хүсусилә Ылһам Әлијевин ҝизли бизнесини өнә чәкмәси Азәрбајҹан һакимијјәтиндә тәшвиш јарадыб.
“Азадлыг”а дахил олан мәлуматлара ҝөрә, ofàààêfşor ширкәтләрлә бағлы сәнәдләрин ачыгланмасынын һакимијјәтдә тәшвиш јаратмасынын ики сәбәби вар. Әсас сәбәб одур ки, игтидарда бу “оффшор далғасы”нын Әлијевин һакимијјәтинин сонунун јахынлашмасы кими дәјәрләндирилир. Һакимијјәтдә дүшүнүрләр ки, дүнјанын нүфузлу медиа гурулушларынын Әлијевләр аиләси бағлы фактлары хүсуси габартмасы тәсадүфи дејил, бу ЈАП һакимијјәтинин сонуна бир месаждыр. Тәшвишин башга сәбәби исә һакимијјәтдәки бәзи мәмурларын да ҝизли бизнесинин олмасы илә бағлыдыр. Әлбәттә ки, онлар Ылһам Әлијевин билдикләринин, лакин ҹәмијјәтин мәлуматлы олмадығыны фактларын ачылмасындан еһтијат етмирләр. Мәсәлә бурасындадыр ки, бәзи мәмурларын һәтта һакимијјәтдә һеч кимә бәлли олмајан ширкәтләри мөвҹуддур. Һәмин мәмурлар мәһз бу мәсәләнин үстүнүн ачылмасындан вә буна ҝөрә һесаб вермәли олаҹагларындан нараһатдырлар. Тамамилә мүмкүндүр ки, белә бир факт ортаја чыхаҹағы тәгдирдә Ылһам Әлијев диггәти өз үзәриндән јајындырмаг үчүн һәмин мәмурлары гурбан верә биләр. Бу бахымдан оффшор ширкәтләрә малик мәмурлар чох бөјүк нараһатлыг ичиндәдир.
Диггәт: Хәбәрдән истифадә етдикдә мәнбәјә истинад лазымдыр
