Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән дүнән Азәрбајҹан Ислам Партијасынын функсионерләри, Ингилаб Әһәдли вә Акиф Һејдәрли гурумун сәдри һаҹы Мөвсүм Сәмәдовла Республика Әдлијјә Назирлијинин Пенитенсиар Хидмәтинин 11 сајлы Ҹәзачәкмә Мүәссисәсиндә ҝөрүшмүшләр.
АИП сәдринин сијаси мәсәләләр үзрә мүавини Акиф Һејдәрлинин вердији мәлумата ҝөрә, ҝөрүш бир нечә саат давам етмишдир. О билдирмишдир ки, М.Сәмәдовун сағламлыг дуруму нормалдыр, сол бөјрәјиндәки ағрылара гаршы дәрман препаратлары гәбул едир. А.Һејдәрли ону да гејд етмишдир ки, Мөвсүм Сәмәдов өлкәнин иҹтимаи-сијаси просесләриндән мәлуматсыздыр.
“Чүнки она өлкәдә баш верән һадисәләри, АИП-ин бу һадисәләрә мөвге вә мүнасибәтләрини, һәмчинин гурумун сон илләрдәки фәалијјәтини објектив ишыгландыран информасија васитәләри чатдырылмыр, ҹәзачәкмә мүәсисәсиндә буна ганунун тәләб етдији нормал шәраит јарадылмыр. Бурада мәһбус һәјаты јашајан М.Сәмәдов кими дини, мәнәви дәјәрләрин дашыјыҹыларына һөрмәтли јанашма олса да, бәзи һалларда мүстәсна мәһдудијјәтләр тәтбиг олунур ки, бу да Исламсевәрләрин ҹидди нараһатлығына сәбәб олур. М.Сәмәдов һәбсхана һәјаты јашаса да үмуммилли мараглар бахымындан иҹтимаи-сијаси бахышларында, зәнҝин мәнәви дүнјасында һеч бир сарсынты һисс олунмур. Руһијјәси әввәлкиндән дә јүксәк вә үмидвериҹидир. Ондакы чох әламәтдар ҹәһәтләр јериндәдир. Онун һәмсөһбәтләрини шәкдән дүшүнҹәјә вә јәгинлијә, горхаглыгдан шүҹаәтә, ҝүман вә еһтијатдан һәгигәтә, ријакарлыгдан дүзлүјә, пахыллыгдан хејирхаһлыға, тәкәббүрдән тәвазөкарлыға апаран ҹазибәси һәр сөзүндә-сөһбәтиндә өзүнү ҝөстәрир” - дејә Акиф Һејдәрли сөјләјиб.
Ҝөрүш заманы АИП сәдри Доктор Һаҹы Мөвсүм Сәмәдов Азәрбајҹан халгыны милли-мәнәви, зәнҝин тарихи мәдәнијјәтимизә, адәт-әнәнәмизә, тәмәл дәјәримизә шеврилән мүгәддәс Новруз бајрамы мүнасибәтилә тәбрик етмишдир. О демишдир:
“Әзиз, гонагпәрвәр, ҝөзәл милли әнәнәләринә, дини дәјәрләринә бағлы вә садиг олан Азәрбајҹан халгыны Новруз бајрамы мүнасибәтилә сәмими гәлбдән тәбрик едирәм. Халгыма өз шәрәфли тарихини мөһкәмыләндириб горумағы, милли-мәнәви, Ислами дәјәрләринә һәмишә саһиб шыхыб ону һәр шејдән үстүн тутмағы, дүшмәнләримизин дә бу ләјагәтимизи, шәһадәт кими јүксәк Ислами мәдәнијјәтимизи танымасына, гәбул етмәсинә наил олмағы арзулајырам.
Азәрбајҹан халгы өз әрази бүтөвлүјүнү тәмин етмәјә, ону горумаға гадир бир халгдыр. Хејбәр гапысыны јериндән гопаран бир халгын гаршысында ишғалчы ермәни аҹиздир. Амма бу ҝүн торпагларымызын ишғал алтында галмасы, Гарабағда һазыркы статус-квонун сахланмасы, өлкәмиздә мәнәви бөһрана јол ачан амилләрин телевизија вә ја башга лајиһәләрлә тәблиғи вә бүтүн бүнларын гаршысында дура билән динимизә, онун мүһүм атрибутларына, бу дәјәрләрин лајигли дашыјыҹылары олан мөмин инсанлара гаршы басгылар, тәзјигләр, һәбсләр мәһз бөјүк дүшмәнимиз, бәшәријјәтин сүлһ вә әмин-аманлыг ичиндә јашамасына гәним кәсилән бејнәлхалг сионизмин вә онун нөкәрләринин төрәтдикләри фитнә-фасадларын нәтиҹәсидир. Онлар халглара зүлм вә ситәмдән башга бир шеј верә билмәзләр. Чүнки фитрәтән белә јаранмышлар.
Халгыма бу әзиз ҝүндә мөвҹуд чәтинликләрин, она ҝәләҹәкдә даһа ағыр бәлалар ҝәтирә биләҹәк аддымларын гаршысыны алмаг үчүн бирликдә олмағы, вәһдәт јаратмағы арзу едирәм. Бу ҹәһәтдән иманлы, мөмин инсанларын үзәринә даһа бөјүк вәзифәләр дүшүр. Чүнки онлар јахшы билирләр ки, һәр һансы бир гөвмү бәлалардан, зүлмдән јалныз бирликдә олмаг вә вәһдәт гуртара биләр. Һәтта бүтүн ихтилафлара Аллаһы һаким етмәк лазымдыр ки, Онун истәјинә тәслим оласан вә сәнин, һамынын истәји тәмин едилсин. О заман һәтта бизә ҝәлиб јетишән истәр хошлуглар, истәрсә дә чәтинликләр бизи разы салар. Јалныз Аллаһа тәслим олан бәндәни Аллаһ хилас едәр. Азәрбајҹан халгынын үмиди Ислама, бу бәшәри дәјәрин дашыјыҹыларынадыр. Бу јолда Исламчылара лајигли аддымлар, уғурлар диләјирәм.
Бир даһа бајрамыныз мүбарәк, евләриниз рузили, сүфрәләриниз һалал бәрәкәтли олсун!
Диггәт: Хәбәрдән истифадә етдикдә мәнбәјә истинад лазымдыр
