Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән БМТ Ушаг Фонду Ушагларын һәбс вә тәҹавүз илә бағлы Билдириш јајымлајыб. Билдиришдә Фәләстин торпагларын ишғал етмиш сионист исраил режиминин фәләстинли көрпәләрә гаршы тәҹавүзүндән јазараг билдирир: “исраил һәр ил 11-17 јашлар арасында олан 700 фәләстинли ушаглары һәбс едәрәк онлара тәҹавүз едир”.
Бәјанатын давамында ишғалчы јәһуди режиминин анти-бәшәр рәфтарларына ишарә едиләрәк дејилир: “сионист әскәрләри, ҝеҹә јарысы фәләстинлиләрин евләринә төкүлүшәрәк, бу ушаглары чох тәсүфләндириҹи бир вәзијјәтдә һәбс едирләр.”
БМТ Ушаг Фонду даһа сонра јәһудиләрин вандаллығын гынајараг јазыр: “Өтән 10 ил әрзиндә сионист режими азы 10 мин фәләстинли ушаглары һәбс едәрәк онлара гаршы тәҹавүз етмишдир”.
Хатырладаг ки, БМТ Ушаг Фонду ушаг вә көрпәләрин проблемләрини өн плана чәкән универсал гурумлардан һесаб олунур. Тәшкилатын әсасы 1946-ҹы ил декабрын 11-дә гојулмуш вә илк дөврләрдә Бејнәлхалг Фөвгәладә Ушаглара Јардым Фонду (UNİCEF - United Nations International Children’s Emergency Fund) адландырылмышдыр. Баш Мәҹлис 1953-ҹү илин апрелиндә Фондун фәалијјәтини мүддәтсиз елан етди вә адыны мүасир формаја салды. 1959-ҹу илдә "Ушаг һүгуглары" бәјаннамәси гәбул едилди. Ушаг Фондунун јардымлары ашағыдакы үч формада һәјата кечирилир:
-ушаглара јардым програм вә планларынын һазырланмасынын дәстәкләнмәси; -бу програмларын һәјата кечирилмәси үчүн материал вә аваданлыгларын верилмәси; -инкишаф етмәкдә олан өлкәләрин өзүндә Фонд һејәтинин һазырланмасы үчүн лазымы вәсаит вә кадрларын ајрылмасы.
1976-ҹы ил декабрын 21-дә исә БМТ 1979-ҹу или Ушаг или, һабелә UNICEF-и БМТ системинин ушаг вә көрпәләрлә бағлы башлыҹа органы елан етди.
БМТ Баш Мәҹлиси 1989-ҹу илин декабрында "Үмүмдүнја Ушаг һүгуглары һаггында" Конвенсијаны гәбул вә тәсдиг етди. Бу мәгсәдлә 1990-ҹы илдә Үмумдүнја ҝөрүшү чағырылды.
UNICEF "Ушаг Һүгуглары һаггында" Конвенсијаны һәјата кечирмәк үчүн бүтүн дөвләт вә гејри-дөвләт тәшкилатлары илә әмәкдашлыг едир, ҹари вә перспектив БМТ програмларына ујғун олараг фәалијјәт ҝөстәрир.
Фонда рәһбәрлији Иҹраијјә Шурасы һәјата кечирир. Шура 36 үзвдән ибарәтдир. УНИҸЕФ-ин 113 өлкәдә вә 242 мәнтәгәдә 6200 әмәкдаш чалышыр. Бунларын 84% билаваситә јерләрдә фәалијјәт ҝөстәрир. Ушаг Фондунун мәнзил гәрарҝаһлары Нју-Јорк, Копенһаҝен вә Флоренсијада, реҝионал шөбәси исә Ҹеневрәдә фәалијјәт ҝөстәрир.
УНИҸЕФ тамамилә көнүллү јардымлар һесабына фәалијјәт ҝөстәрир. Бүтүн јардымларын 30%-дән чоху ушаг сағламлығынын горунмасына (ваксинләр, ушаг гидасы, вә с. алынмасына) сәрф олунур.
Фондун башлыҹа мәтбу органылары "Дүнјада ушагларын вәзијјәти" вә "Милләтин инкишафы" журналларыдыр.
Диггәт: Хәбәрдән истифадә етдикдә мәнбәјә истинад лазымдыр
