Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән бу ҝүн 17 Феврал 2013 тарих, ҝүнортадан өнҹә, Бағдад нөвбәти террор акты илә үзләшиб.
Террор һадисәси заманы, 20 ҝүнаһсыз Шиә шәһид едиләрәк 78-дән артыг инсан исә мүхтәлиф ағыр дәрәҹәли бәдән хәсарәтләри алараг, Пајтахт хәстәханаларында јерләшдирилибләр.
Һадисә јери дәрһал Ираг Тәһлүкәсизлик алајлары тәрәфиндән мүһасирәјә алынараг, ҹинајәтин сәбәбкарларынын ахтарышына башланыб. Бөлҝәјә тәҹили јардым машынлары ҝәтиздирилиб.
Алдығымыз мәлумата ҝөрә, баш вермиш террор һадисәси, Бағдадын “Сәдр” шәһәрҹијинин “әл-Әмин”, “әл-Һәбибә” вә “әл-Гаһирә” мәнтәгәләриндә Шиәләрин компакт јашадығы мәһәлләләрдә, сәләфи јараглылары тәрәфиндән Сүнни-Шиә давасын салмагдан өтрү төрәдилиб.
Гејд едәк ки, террор акты, бомба гурғулары илә гурашдырылмыш 3 миник машынларынын мүхтәлиф мәнтәгәләрдә (Сәдр вә әл-Кәрадә мәнтәгәләриндә) партладылмасы илә һәјата кечирилиб.
Диггәт: Хәбәрдән истифадә етдикдә мәнбәјә истинад лазымдыр
