Әһли Бејт -АБНА- хәбәр аҝентлијинин вердији хәбәрә әсасән “Д-8” өлкәләринин лидерләринин зирвә топлантысында иштирак етмәк үчүн Пакистанда сәфәрдә олан Иран Ислам Республикасынын президенти Маһмуд Әһмәдинежад Исраиллә ҺАМАС арасында атәшкәсин әлдә олунмасына мүнасибәт билдириб.
М. Әһмәдинежад дејиб ки, бу разылашманын сәмәрәлилијинә шүбһә илә јанашыр: “Исраиллә ҺАМАС арасындакы атәшкәсин әлдә олунмасы хәбәрини мүсбәт гаршылајырам, лакин бу барышыға о гәдәр дә оптимист бахмырам. Гәззадакы зоракылыға сон гојулмасынын јеҝанә јолу мүсәлманларын бирләшмәсидир”.
Иран Ислам Республикасынын президенти сонра дејиб: “Мән Исраилин јер үзүндән силинәҹәјинә тамамилә әминәм. Исраил бир заманлар Нилдән Фәрата гәдәр әразиләрә, һәтта Ирана һакимлик етмәк иддиасында иди. Һазырда исә Фәләстин әразиләриндә өз әтрафына бетон диварлар чәкир. Бу, инкишаф нишанәси дејил, пассивлик вә аҹизлик символудур”.
Диггәт: Хәбәрдән истифадә етдикдә мәнбәјә истинад лазымдыр
