Әһли Бејт -АБНА- хәбәр аҝентлијинин вердији хәбәрә әсасән Иран Ислам Республикасы Президенти Маһмуд Әһмәди Нежад Игтисади Әмәкдашлыг Тәшкилатынын (ИӘТ) Бакыда кечирилән ХII зирвә топлантысында чыхыш едәрәк дејиб: “Игтисади Әмәкдашлыг Тәшкилатына үзв өлкәләринин халгларынын бөјүк потенсиали олдуғундан гаршымызда дуран бүтүн мәсәләләрә наил ола биләрик”.
Онун сөзләринә ҝөрә, сәјләримизи бирләшдирәрәк бејнәлхалг вәзијјәти дәјишә, халгларымызын бирҝә сүлһ шәраитиндә јашамасыны тәмин едә биләрик.
Маһмуд Әһмәди Нежад даһа сонра билдириб ки, әлагәләримизи даһа да инкишаф етдимәк үчүн сијаси, игтисади, һуманитар, малијјә, нәглијјат, банк вә үмүмиләшдирлимиш ҝөмрүк системи вә диҝәр саһәләрдә әмәкдашлығы ҝенишләндирмәлијик.
Иран Ислам Республикасы Президенти вурғулајыб ки, Азәрбајҹанын ИӘТ-ә рәһбәрлији дөврүндә тәшкилатда даһа сәмәрәли фәалијјәт ҝөстәрәҹәк вә гурумун гаршысында дуран мәгсәдләрә чатмасында мүстәсна рол ојнајаҹаг.
Диггәт: Хәбәрдән истифадә етдикдә мәнбәјә истинад лазымдыр
