Әһли Бејт -АБНА- хәбәр аҝентлијинин вердији хәбәрә әсасән Гошулмама Һәрәкатынын Теһран саммитиндә мәһз Иран Ислам Республикасынын сәји илә Азәрбајҹан Республикасынын Дағлыг Гарабағын мүлкијјәти үзрә һаггынын там дәстәкләнмәси, рәсми Бакынын көнлүнә ҝөрә олса да лакин Бакы рәсмиләри бурада ИИР-ын ролуну гејд етмәкдән чәкинирләр.
Илһам Әлијев Назирләр Кабинетинин 10 октјабр иҹласында Азәрбајҹан Республикасынын ДГ һаггынын Гошулмама Һәрәкатынын зирвә ҝөрүшүндә 120 өлкә тәрәфиндән дәстәкләнмәсини гејд едиб. Лакин о, Гошулмама Һәрәкатынын зирвә ҝөрүшүнүн һарада кечирилмәсини һеч јада да салмајыб.
Ејни һалда НАТО иҹласындан данышан Илһам Әлијев бу иҹласын АБШ-ын Чикаго шәһәриндә кечирилмәсини вурғу илә гејд едиб. Илһам Әлијев белә әлавә едиб : “Әҝәр биз НАТО-нун Чикаго саммитинин гәрарларыны, бәјаннамәләрини нәзәрә алсаг, - тәбии ки, НАТО-ја үзв олан өлкәләр Гошулмама Һәрәкатынын үзвү ола билмәз, - орада да Ермәнистан-Азәрбајҹан, Дағлыг Гарабағ мүнагишәсинин јалныз өлкәләрин әрази бүтөвлүјү принсипи әсасында һәлл олунмасы ачыг шәкилдә вурғуланыб!”
Гејд етмәк лазымдыр ки, сон илләрдә Азәрбајҹан Республикасынын ДГ мәсәләсиндә дәстәкләнмәси ән ачыг вә гәтијјәтли формада ГҺ-нын Теһран зирвәсиндә баш тутмушдур. Анҹаг хејли зәиф дипломатик уғурларыны бајрам едән рәсми Бакы Теһран саммитиндә ДГ мәсәләсинин Азәрбајҹан Республикасынын хејринә һәлл олунмасына даир гәтнамәнин гәбулундан һечдә мәмнунијјәт билдирмәмишдир. Бахмајараг ки, бу гәтнамәјә ҝөрә Ермәнистан дәфәләрлә Иран Ислам Республикасына етираз едиб.
Диггәт: Хәбәрдән истифадә етдикдә мәнбәјә истинад лазымдыр
