Әһли Бејт -АБНА- хәбәр аҝентлијинин вердији хәбәрә әсасән Авропа Шурасы Парламент Ассамблејасы октјабрын 3-дә алманијалы депутат Кристофер Штрассерин һазырладығы “Сијаси мәһбус анлајышы” мәрузәсини динләјиб. Сәнәд 100 сәс леһинә, 64 сәс әлејһинә олмагла гәбул едилиб вә сијаси мәһбус анлајышынын мејарлары мүәјјәнләшдирилиб.
Мејарлара ҝөрә, азадлыгдан мәһрум едилән шәхсә бу һалларда сијаси мәһбус кими бахылмалыдыр:
- сахланма фикир, виҹдан вә дин азадлығы, фикрин ифадә олунмасы вә информасија азадлығы, топлашма вә ассосиасија азадлығы позулмагла һәјата кечирилибсә;
- сахланма истәнилән ҹинајәтлә әлагәси олмадан сијаси сәбәбләрдән һәјата кечирилибсә;
- һәбсдә сахламанын мүддәти вә ја онун шәртләри шәхсин иттиһам олундуғу ҹинајәтә пропорсионал дејилсә;
- вәтәндаш диҝәр шәхсләрлә мүгајисәдә ајры-сечкилик әсасында сахланыбса вә ја сахлама әдаләтсиз мәһкәмә чәкишмәсинин нәтиҹәсидирсә вә бу, һакимијјәтин сијаси мотивләри илә бағлыдырса.
Диггәт: Хәбәрдән истифадә етдикдә мәнбәјә истинад лазымдыр
