Әһли Бејт -АБНА- хәбәр аҝентлијинин вердији хәбәрә әсасән шејтанисифәт АБШ, Франса, Испанија вә башда сионист груплашмасы олмагла бәшәријјәтин мәнфур дүшмәнләринин Ислам Дининә гаршы тәһгир вә тәгибләри сәнҝимәк билмир.
АБШ-да анти-Ислам јәһуди режиссорунун чәкидији јарамаз филиминин, Франсада һәфтәлик журналында дәрҹ олунан шәрәфсиз карикатуранын ардыјҹа Испанијанын “Ел- Жуевес” һәфтәлик сатирик журналы јени сајынын үз габығында бәшәријјәтин севимли Пејғәнбәри, һәзрәти Мәһәммәд ибни Абдуллаһын (сәлләллаһу әлејһи вә алиһ) карикатурасыны дәрҹ едиб.
Мәнфур журналын баш редактору Мајте Килес АБШ-ын “Һаффинҝтон Пост” гәзетинә вердији мүсаһибәдә мүсәлманлары бир даһа тәһгир едәрәрк билдириб ки, рәссам Пејғәмбәрин карикатурасынын чәкилмәсинә гадаға гојулмасына даир чағырышлара јуморла јанашыб.
Гејд едәк ки, артыг Испанијада Ислам Иҹмалары Бирлији журнала гаршы мәһкәмәдә иддиа галдырыб. Мүсәлманларын сөзләринә ҝөрә, нәшријјатын рәһбәрлији карикатураны дәрҹ етмәклә бөјүк сәһвә јол вериб вә “гаршысына гојдуғу инсанлары ҝүлдүрмәк мәгсәдинә чатмајыб”.
Бирлијин коммүникесиндә гејд едилиб: “Биз дини һиссләрә гаршы әсассыз тәһгирләрлә гаршылашмагда давам едирик”.
Диггәт: Хәбәрдән истифадә етдикдә мәнбәјә истинад лазымдыр
