Әһли Бејт -АБНА- хәбәр аҝентлијинин вердији хәбәрә әсасән Иран Ислам Республикасынын мөһтәрәм Президенти билдириб: “Бејнәлхалг просесләр бејнәлхалг мүнасибәтләрдә силаһ гүдрәтинин тәјинедиҹи рола малик олмамасына доғру һәрәкәт етмәкдәдир”.
Иран Ислам Республикасы президенти Маһмуд Әһмәдинежад чәршәнбә ахшамы ҝеҹә Нју-Јоркда илаһи динләрин рәһбәрләри, иҹтимаи груплар вә сүлһ фәалларынын иштиракы илә кечирилән топлантыда дүнјаја һаким вәзијјәти хатырладараг дејиб: “Һал-һазырда Иран Ислам Республикасынын нүвә мәсәләси зоракылар үчүн бәһанәјә чеврилиб. Һалбуки бу мәсәлә нә техники, нә дә һүгугидир”.
О даһа сонра вурғулајыб: “Һүгуги бахымдан Иран халгы һаглыдыр ки, Атом Енержиси үзрә Бејнәлхалг Аҝентлијин ганунларына әсасән бу пак енержидән сүлһмәрамлы шәкилдә истифадә етсин вә техники бахымдан да аҝентлијин мүфәттишләри там шәкилдә Ислам Республикасынын нүвә фәалијјәтләринә нәзарәт едирләр”.
Ҹәнаб Әһмәди Нежад Иран Ислам Дөвләтинин сүлһмәрамлы нүвә фәалијјәтләри мәсәләсинин сијаси характер дашыдығыны билдирәрәк сөјләјиб: “АБШ-ын бу саһәдәки бүтүн бәһанәләри Јахын Шәргин енержи еһтијатларына нәзарәт етмәк үчүндүр вә Иранын онун мүдахиләсинә иҹазә вермәдији үчүн әсәбидир”.
О бир даһа сионист режимин Иран халгына гаршы һәдәләрини гүдрәт бахымындан дејил, зәифликдән һесаб едәрәк дејиб: “Бу режим өзүнүн 65 иллик өмрүндә реҝионда 5 мүһарибә јарадыб вә минләрлә инсаны гәтлә јетириб”.
Сөзләринин диҝәр бир һиссәсиндә АБШ-да президент сечкиләринин формасына тохунан Маһмуд Әһмәди Нежад дејиб: “Бу өлкәдә јалныз ики партија фәалијјәт иҹазәсинә маликдир вә әҝәр һазыркы ики рәгиб партија дејил, АБШ халгына аид мүстәгил бир шәхс оларса, сечкиләрә намизәд ола билмәз”.
Әһмәди Нежад сонда билдириб: АБШ халгы бир һаким партијанын һәрәкәтләриндән бездији һалда, мәҹбурән диҝәр бир партијаја үз тутур вә бу, азад сечки фүрсәтинин мөвҹуд олмамасына сәбәб олур. Нәтиҹәси дә ајры-сечкиликдән башга бир шеј олмајаҹаг”.
Диггәт: Хәбәрдән истифадә етдикдә мәнбәјә истинад лазымдыр
