Әһли Бејт -АБНА- хәбәр аҝентлијинин вердији хәбәрә әсасән Ислам пејғәмбәри Һз. Мәһәммәди тәһгир едән “Мүсәлманларын мәсумлуғу” филминә етираз әламәти олараг Русијанын Волҝоҝрад шәһәриндә "Јоутубе" вә "ВКонте.ру" иҹтимаи шәбәкәләрунә ҝириш әнҝәлләниб.
Волҝоҝрадлы блоҝҝерләр "Вконтакте.ру" вә "Јоутубе" сајтларына ҝирәркән Русија телекоммуникасија вә информасија технолоҝијалары хидмәтинин мәктубу илә растлашыблар. СлаваМез адлы блоҝҝер мәктубунда хидмәтин интернет абунәҹиләринә мәһкәмәдә гадаған олунана гәдәр "Мүсәлманларын мәсумлуғы" филминин јајымландиғи сајтлара ҝирмәмәји төвсијә етдијини јазыр. Бәзи истифадәчиләр исә "ВКонте.ру" вә "Јоутубе" сајтлары илә бәрабәр Ҝооҝле-а ҝиришин дә мәһдудлашдырдығыны дејирләр.
Сентјабрын 17-дә Русија коммуникасија вә рабитә назири Николај Никифоров Русија мәһкәмәсинин Ислама гаршы нифрәт тәблиғ едән филмә ЈоуТубе-да бахышын гадаған олунаҹағыны билдирмышди. Бир гәдәр әввәл Русија прокурорлуғу филмин Ислам әлејһинә нифрәт ашыладығы сәбәбијлә гадаған едилмәси үҹүн мәһкәмәјә мүраҹиәт етмишди.
Сон ҝүнләр прокурорлуг јерли интернет саһибләриндән "Мүсәлманларын Мәсумлуғу" филминә бахышын мәһдудлашдырылмасыны тәләб едиб. Вконтаке.ру сәһифәсинин мәтбуат катиби Владислав Тсиплухин исә Лента.ру- ја вердији ачыгламада мәһкәмәнин гәрары олдуғу тәгдирдә филмин интернет сајтындан ҹыхарылаҹағыны билдириб.
Русијанын икинҹи бөјүк шәһәри Санкт-Петербург прокурорлуғу Ислам динини вә Пејғәмбәри тәһгир едән "Мүсәлманларын Мәсумлуғу" филмини јајан Вконтакте.ру иҹтимаи шәбәкәсинә хәбәрдарлыг едиб. Филмә Шәргдән вә Гәрбдән филмә гаршы етиразларын давам етдији бир вахтда Алманијанын хариҹи ишләр назири Guido Westerwelle Франсыз журналында Һз. Мәһәммәдин карикатураларынын нүмајиш олунмасыны тәнгид едиб. О, ифадә азадлығынлн һеҹ кәсә башгаларыны тәһгир етмә һаггыны вермәдијини дејиб.
Һиндистанлы мүсәлман алим вә заһид Мөвлана Мәһәммәд Салим Ҹасми исә Исламы тәһгир едән филмә гаршы мүсәлманларын мүсәлман кими етираз етмәли олдугларыны билдириб.
Диггәт: Хәбәрдән истифадә етдикдә мәнбәјә истинад лазымдыр
