Әһли Бејт -АБНА- хәбәр аҝентлијинин вердији хәбәрә әсасән: Бу ҝүн 25 шәввал 12.09.2012 Һидајәт Чырағынын алтынҹы нурунун шәһадәт ҝүнүдүр.
Бу ҝүн Имам Заманын (әҹҹәләллаһу фәрәҹәһуш шәриф) матәмә гәрг олан ҝүнүдүр.
Бу ҝүн Ислам Дүнјасынын матәмәлә долу һүзүнлү ҝүнүдүр.
Бу ҝүн Ислам Пејғәнбәринин (сәлләллаһу әлејһи вә алиһ) синәсинә алтынҹы дәрдли јаранын вурулан ҝүнүдүр.
Бу ҝүн Аллаһын (ҹәллә ҹәлалуһ) јер үзәриндә Бәшәр вә Ҹин тајфаларына гәрар вердији 6-ҹы һөҹҹәтинин вә јер үзүндәки хәлифәсинин залым шејтан вә онун өвлијалары тәрәфиндән амансызҹасына шәһадәтә јетирилән ҝүнүдүр.
Биз АБНА олараг бу һүзүнлү ҝүнү вә мүсибәтли анлары, башда Имам Заман һәзрәтләри (әҹҹәләллаһу фәрәҹәһуш шәриф) олмагла онун һагг наиби Имам Хамнеијә вә бүтүн дүнја мүсәлман вә гејри мүсәлман халгларына баш сағлығы верир. Уҹа Аллаһдан һаммыныза сәбир вә о һәзрәтин јолуну давам едәнләрдән олмасын арзу едирик.
Имам Садиг (әлејһис сәлам) Инҹиләри
Имам Садиг (ә) бујурур: “Бүтүн абадлыгда јашајан ҹәмијјәтләр үч дәстәјә еһтијаҹлыдырлар ки, дүнја вә ахирәт ишләриндә онлара пәнаһ апарсынлар: биликли вә пәһризкар фәгиһ (мүҹтәһид), јахшы вә әдәбли һаким вә аҝаһ вә етимад олунасы һәким”.
Имам Садиг (ә): “Һәр кәс Аллаһ јолунда өлдүрүлсә, Аллаһ-тәала она һеч бир ҝүнаһыны ҝөстәрмәз”. (Бүтүн ҝүнаһлары бағышланар).
Имам Садиг (ә): “Аилә хәрҹинин горхусундан евләнмәјән кәс Аллаһа гаршы суи-зәнн етмишдир.”
Имам Садиг (ә): “Һәр кәс мөмини јохсуллуғуна ҝөрә алчаг сајса, Аллаһ-тәала да гијамәт ҝүнү ону халг гаршысында рүсвај едәр”.
Имам Садиг (ә): “Аллаһ-тәалаја һүсн-зәнн будур ки, Ондан башга һеч кәсә үмидин олмасын вә ҝүнаһларындан башга һеч нәдән горхмајасан”.
Имам Садиг (ә): “Башгасынын сирри үзәриндән пәрдәни ҝөтүрәнин өз евинин сирләри ашкар олар”.
Имам Садиг (ә): “Гадынларынызын пак галмасы үчүн ҝөзүнүзү халгын намусундан чәкин”.
Имам Садиг (ә): “Мөмин башгалары илә кечинир вә әсла кимсә илә дидишмир”.
Имам Садиг (ә): «Ким ағылсыз шәхсин (өзүнә гаршы рәфтарынын) әвәзини ағылсызлыгла чыхса, она гаршы (ағылсыз тәрәфиндән) едилән рәфтара разылығыны вермишдир. Чүнки ондан нүмунә ҝөтүрмүшдүр
Имам Садиг (ә) бујурмушдур: ““Сүбһаналлаһ” демәк инсанын әмәл тәрәзисинин јарысыны, “Әлһәмдулиллаһ” ону бүтүнлүклә, “Аллаһу-әкбәр” исә јерлә ҝөјүн арасыны долдурар”.
Диггәт: Хәбәрдән истифадә етдијдә мәнбәјә истинад лазымдыр
