Әһли Бејт -АБНА- хәбәр аҝентлијинин вердији хәбәрә әсасән јахын ҝүнләрдә Јени азәрбајҹан Тарихиндә дәрин изләрә маликолан Азәрбајҹан Ислам Партијасынын 20 иллиј јубилејидир. Бунунла әлагәдар исламисеси.аз сајты Гарабағ Азадлыг Тәшкилатынын сәдри Акиф Нағыдан мүсаһибә алыб.
Мүсаибәни тәгдим едирик:
-Ислам Партијасы фәалијјәтини изләјән бир сијасәтчи кими неҹә дүшүнүрсүнүз Ислам Партијасы Исламда сијасәт јохса сијасәтдә Ислам принсипи илә чыхыш едир?
Башга бир партијанын фәалијјәтинә гијмәт вермәк ҹәтиндир. Гојдуғунуз суал да ҹәтинди, буна бирмәналы ҹаваб вермәк ҹәтинди.Мәнҹә, Азәрбаҹан Ислам Партијасы даһа чох сијасәтдә Ислам принсипи илә һәрәкәт етмәјә, Ислами дәјәрләри сијасәтә ҝәтирмәјә чалышыр. Буну пис нијјәтлә дејил, сијасәти сафлашдырмаг мәгсәди илә етдијини дүшүнүрәм.
-Азәрбајҹан Ислам Партијасы 20-илдир ки, басгы вә тәзјигләрә, һәбсләрә, бахмајараг фәалијјәт ҝөстәрир, иҹтимаи-сијаси просесләрдә сөзүнү дејир. Буна бахмајараг исламчыларын рәсми гејдијјат ҹәһдләри мүсбәт ҹавабландырылмыр. Сијаси әгидәсиндән дөнмәјән бу инсанлары неҹә гијмәтләндирир, нәтиҹәсини неҹә ҝөрүрсүнүз?
Бу инсанларын бөјүк әксәријјәтини фәдакар вәтәндашлар кими таныјырам. Гејдијјат әсас дејил, әсас олан инсанларын өз идеалларына сәдагәти вә фәдакарлығыдыр. Чүнки бу адамлар Имам Һүсејн мәктәбиндән илһам алрлар.
-Рәһбәрлик етдијиниз партијанын исламчыларла һәр һансы иттифаг, сых әмәкдашлыг перспективини ҝөрүрсүнүзмү?
Биз Ислам партијасы илә һәмишә әмәкдашлыг етмишик.Исламчылары һәмишә өз сөзүнә әмәл едән, вердији сөзүн үстүндә дуран ҝөрмүшүк. Ислам партијасынын бир чох үзвләри Гарабағ мүһарибәсиндә фәал иштирак едибләр. ,әһид оланлар да вар. Мүһарибәдә иштирак едәнләр бу ҝүн дә Гарабағ уғрунда мүбаризәләрини давам етдирирләр вә бизимлә бир јердәдирләр.
-Сон илләр дин вә виҹдан азадлығы саһәсиндә ҹидди проблемләр јашанмагдадыр. Актив диндарлар наркотика, силаһ иттиһамыјла һәбс едилир, тәгибләр ичиндә јашајыр. Бунун башлыҹа сәбәбини нәдә ҝөрүрсүнүз?
Тәкҹә диндарлара гаршы дејил, бир чох мүбариз инсанлара гаршы тәгиб вә тәзјигләр вар. Һакимијјәт өзүнү горумаға чалышыр. Она ҝөрә дә һәр ҹүр методлара әл атыр. Амма һәр мүбаризәдә дә муәјјән ојун гајдалары вар. Бу гајдалара әмәл олунмалыдыр.
Елшән Ҹәфәри
Диггәт: Хәбәрдән истифадә етдикдә мәнбәјә истинад лазымдыр
