Әһли Бејт -АБНА- хәбәр аҝентлијинин вердији хәбәрә әсасән бу ҝүн, Ҹүмә ҝүнү 17 август 2012 тарихиндә Азәрбајҹан Ислам Партијасынын бир чох үзвү вә фәал диндарлар Гүдс ҝүнү илә әлагәдар ишғалчы исраил режиминин Бакыдакы сәфирлији гаршысында етираз аксијасы кечиртмәклә јанашы Шәһдләр Хијабанында да аксија кечирдибләр.
Аксијада АИП сәдринин мүавинләри Ингилаб Әһәдли, Рөвшән Әһмәдли, рајон комитәләри вә партија үвләри иштирак едиб. Хијабанда шәһидләрини руһуна дуалар охунуб, мәзарларын үстүнә гәрәнфилләр дүзүлүб.
Сонда АИП " Бејнәлхалг Гүдс Ҝүнү" мүнасибәтилә гәбул етдији гәтнамәни охујан партија сәдринин биринҹи мүавини Ингилаб Әһәдли мәһв олсун АБШ, мәһв олсун Исраил , мәһв олсун Ермәнистан шүарлары сәсләндирәрәк Гарабағын, Гүдсүн вә бүтүн мүсәлман торпагларынын азадлығы үчүн дуалар едиб.
Азәрбајҹан Ислам Партијасынын “ Бејнәлхаг Гүдс Ҝүнү” мүнасибәтилә динҹ аксијасында гәбул олунмуш
Г ә т н а м ә
Бу ҝүн әзиз Рамазан ајынын сон Ҹүмә ҝүнү дүнјанын нәзәри ишғалы 63 ил әввәл инҝилис һимајәдарларынын көмәји илә гондарма Исраил дөвләти тәрәфиндән рәсмиләшдирилән Гүдсә јөнәлмишдир. Пејғәмбәрләр, вәһјләр мәскәни олан бу мәкан артыг бејнәлхалг аләмдә инсанлығын, илаһи низамын дүшмәни кими танынан бир режимин тапдағы алтындадыр. Бу, һәмин режимдир ки, дүнја иҹтимаитәнин ҝөзү гаршысында ишғал етдији Фәләстин әразиләриндән нәинки чәкилмир, динҹ әһалини - көрпәләри, гоҹа вә гадынлары зүлмә, гәтлиама мәруз гојур. Һуманизмлә саваш ачан ҹәлладлар Мави Мәрмәрәдә төрәтдикләри ҹинајәтә ҝөрә һәлә дә ҹәзасыз галыблар. Һеч бир бејнәлхалг һүгуг нормасына мәһәл гојмајан сионист режим БМТ-нин гәбул етдији 181, 242, 298, 338, 446 сајлы Гәтнамәләрин һеч биринә әмәл етмәјәрәк фәләстинлиләрин ата-баба торпагларыны саһибләринә гајтармыр.
Бу ҝүн ејни вәзијјәт Азәрбајҹанда, доғма јурдумуз Гарабағда давам етдирилир. Јенә дә БМТ-нин ермәни һәрби бирләшмәләринин ишғал етдикләри торпаглардан гејд-шәртсиз чыхарылмасы һаггында гәбул етдији 4 гәтнамә јеринә јетирилмир.
Һесаб едирик ки, дүшмән горхаг вә зәифдир. Өзүнүн гануназидд, гери-инсани әмәлләрини өрт-басдыр етмәк үчүн зүлм едир вә өлдүрүр. Она ҝөрә дә Гүдс Ҝүнүнү биз бу зүлмә, мүсәлман торпагларына ҝөз дикәнләрә, Ирагда Әфганыстанда, Ливија вә Тунисдә, Мјанмада Муһәммәд (с) үммәтинин, диҝәр мәканларда гејри-мүсәлманларын наһаг ганыны ахыданлара гаршы әсл мүбаризә символу кими гәбул едир, бу мүнасибәтлә дүнјанын һәр јериндә- һәтта АБШ-да, Исраилдә, Франса вә Инҝилтәрәдә һагсызлыға бу вә ја диҝәр формада јох дејәнләрә гошулуг, сәсләринә сәс веририк. Дүнјанын сүлһсевәр инсанлары јахшы баша дүшүрләр ки, империја тәмсилчиләри һеч заман халгларыны дүшүнмәк анламыны гәбул етмәмишләр. Фиронларын төрәмәләрини јалныз тахт-таҹ, сәрвәт дүшүндүрүр. Гәнимәт сорағы илә онлар малик олдуглары ән мүасир силаһлары ишә салараг мүстәмләкәчилик сијасәти јүрүдүрләр. Бејнәлхалг сионизмин халглара физики вә мәнәви мәһрумијјәтләр “бәхш” етмәси онун хисләтиндән ирәли ҝәлир. Дүнјанын һеҝемончулуг иддиасында олан режимләри исә бу гүввәләрин әлиндә аләтә чевриләрәк һәтта өз халгларына зүлмү рәва билир, таланлары, исламла әдавәти дәстәкләјирләр.
Биз динҹ аксија иштиракчылары һесаб едирик ки, бәшәријјәт чәтин сынаг дөврүнү јашајыр. Бу имтаһандан уғурла чыхмаг үчүн дининдән, иргиндән, тәригәт вә миллијјәтиндән асылы олмајараг дүнјанын бүтүн тәрәггипәрвәр ҝүввәләрини, ҝөвмләрини шәрлә, инсан гатилләри илә бирҝә мүбаризә үчүн вәһдәтә чағырыр, залымлардан Аллаһын дүнјанын низами үчүн сечдији пејғәмбәрләр, товһидләр мәканы мүгәддәс Гүдсүн гәсбдән азад едилмәсини тәләб едирик.
17.08.2012
Диггәт: Хәбәрдән истифадә етдикдә мәнбәјә истинад лазымдыр
