Әһли Бејт -АБНА- хәбәр аҝентлијинин вердији хәбәрә әсасән Сәудијјә Әрәбистанынын танынмыш Шиә алими Ајәтуллаһ Шејх Нәмр Али Нәмр дүнән 8 ијул тарихиндә ҝүнортадан сонра вәһһаби Али Сәуд муздурлары тәрәфиндән һәбс едилиб.
Мәлауматымыза ҝөрә, Ајәтуллаһ Шејх Нәмр Али Нәмрин автомобили сионистјөнлү Али Сәуд полиси тәрәфиндән атәшә тутулмушдур. Атәш нәтиҹәсиндә јараланан Ајәтуллаһ әл-Нимр автомобилин идарәетмәсини итирмишдир вә автомобил дивара чырпылмышдыр.
Даһа сонра Али Сәуд полиси ону јаралы олараг автомобилиндән чыхардараг полис автомобилинә јерләшдирәрәк намәлум истигамәтә апарыб.
Ајәтуллаһ Шејх Нәмр Али Нәмр Сәуди Әрәбистан Шиәләринин танынмыш алимләриндән биридир. О, 1959-ҹу илдә Әвамијјә кәндиндә руһани аиләдә дүнјаја ҝөз ачыб. Атасы Бәһрејнин әл-Иһса мәнтәгәсинин танынмыш мүбариз руһаниләриндән бири олуб вә дәфәләрлә Бәһрејн режими тәрәфиндән зиндана салыныб.
Шејх Нәмр өз дини елми савадыны Иран Ислам Республикасынын мүгәддәс Гум шәһәриндә, Дини Елми Һөвзәдә алмышдыр. О, халг арасында зүлм әлејһинә ингилабчы вә атәшли чыхышлары илә таныныр.
Диггәт: Хәбәрдән истифадә етдикдә мәнбәјә истинад лазымдыр
