Әһли Бејт -АБНА- хәбәр аҝентлијинин вердији хәбәрә әсасән Данышанда һамы вәтәнпәрвәрлик, һүрријјәт, әдаләтдән данышыр. Әмәлә ҝәләндә… Бу ҝүн Азәрбајҹанда һәр ҝүн Еуровисионду. Күбар тәбәгәнин хејири дә, шәрини дә кичик Еуровисион сајмаг олар – хәрҹи бахымындан!
Бакынын мәшһур шадлыг евләриндән бириндә халг шаири (?), милләт вәкили (?) Сабир Рүстәмханлы вә Азәри-Түрк Гадынлар Бирлијинин сәдри Тәнзилә Рүстәмханлынын оғлу Ҹәмил Рүстәмханлынын тој мәрасими кечирилиб.
C. Рүстәмханлы ихтисасҹа филолог олан Ҝүнел Мәммәдова илә аилә һәјаты гуруб. Хошбәхт олсунлар, ҝәнҹләрлә ишимиз јох!
300 нәфәрә гәдәр шәхсин иштирак етдији тојда ҝәнҹләрин аилә үзвләри, јахын гоһумлары илә јанашы МӘШҺУР СИМАЛАРын да чохлуғу диггәт чәкиб.
Тојда Түркијәнин Азәрбајҹандакы сәфири Һулиси Кылыч, Түркијәдән МҺП башган мүавини, милләт вәкили Огтај Вурал, милләт вәкили Атилла Каја, танынмыш мүғәнни Аһмет Шафак, Бәнҝүтүрк телевизијасынын рәһбәри Мурад Идә, Азәрбајҹандан назирләр, милләт вәкилләри, медиа рәһбәрләри, партија сәдрләри, танынмыш зијалылар иштирак едибләр. АТӘТ-ин Минск групундан да јәгин ки нүмајәндә олуб.
Мәшһур түрк мүғәнниси Аһмет Шәфәгин јени евләнәнләрә һәср етдији маһнынын сәдалары алтында рәгс едән ҹүтлүјү достлары, гоһумлары да тәк гојмајыблар. Даһа сонра исә Азәрбајҹан мүғәнниләри Рөја вә Ајҝүн Бәјләр тојда маһнылар сәсләндирибләр.
Диггәт: Хәбәрдән истифадә етдикдә мәнбәјә истинад лазымдыр
