Әһли Бејт -АБНА- хәбәр аҝентлијинин вердији хәбәрә әсасән һазырда һәбсдә сахланылан “Хурал” гәзетинин баш редактору Әвәз Зејналлынын ијунун 6-да кечирилән мәһкәмә просеси заманы һаким Рамелла Аллаһвердијева дөвләт иттиһамчысы Вүсал Оруҹовун Рамазан Һадыјевлә әвәзләндији һагда мәлумат вериб.
Бунун сәбәби илә марагланан Әвәз Зејналлыја исә һаким бу һагда рәсми мәлумат алдығыны вә сәнәддә һеч бир ачыглама верилмәдијини гејд едиб. Ә.Зејналлы исә она верилән мәлуматлара әсасланаг Вүсал Оруҹовун ваһаббилик тәригәтинин үзвү олдуғуну вә МТН тәрәфиндән 2 ҝүн әввәл һәбс олундуғуну дејиб: “Ҝөрүн бизләри шәхсијјәти мүәммалы олан кимләрин әли илә иттиһам етмәјә галхырлар”
Әвәз Зејналлынын бу мәлуматы нә јени тәјин олунмуш дөвләт иттиһамчысы Рамазан Һадыјев, нә дә һаким Рамелла Аллаһвердијева тәрәфиндән тәкзыб едилмәјиб. Һәтта Әвәз Зејналлынын бу һагда дәгиг мәлуматы һарадан алмасы илә бағлы тәәҹүб нүмајиш етдирибләр. Мәлуматы дәгигләшдирмәк үчүн МТН-нин иҹјимаијјәтлә әлагәләр мәркәзинин рәһбәри Ариф Бабајевлә, һәмчинин Республика Прокурорлуғунун мәтбуат хидмәтинин бөјүк прокурору Тәранә Вәлизадә илә әлагә сахладыг. Һәр ики тәрәф бу һагда әлләриндә һеч бир мәлумат олмадығыны билдирдиләр. Гејд едәк ки, һәбс олунан Вүсал Оруҹов Баш Прокурорлуғун әмәкдашыдыр вә МТН-нин “Азәрбајҹанын милли мараглары вә тәһлүкәсизлији јөнүндә мүмкүн тәһдидләрин гаршысынын алынмасы үчүн габаглајыҹы тәдбирләр чәршивәсиндә” һәбс олунуб.
Бу һагда мәлумат јајымландыгдан сонра хурал.ҹом -ла әлагә сахлајан Баш Прокурорлуғун Мәтбуат хидмәтинин рәһбәри Елдар Султанов өз нөвбәсиндә билдириб ки,
“Баш Прокурорлуғун Дөвләт иттиһамынын мүдафиәси үзрә идарәсинин прокурору Вүсал Оруҹов прокурорлуг ишчисинә јарашмајан вә прокурор вәзифәси илә бир араја сығмајан һәрәкәтләрә јол вердијинә, ејни заманда “Азәрбајҹан Республикасы Прокурорлуғу ишчиләринин етик давраныш Кодекси”нин тәләбләрини кобуд шәкилдә поздуғуна ҝөрә Баш Прокурорлуг үзрә 31 мај 2012-ҹи ил тарихли әмрлә прокурорлуг органларындан хариҹ едилиб”.
Хатырладаг ки, Әвәз Зејналлы мәһкәмә просеси заманы дәфәләрлә дөвләт иттиһамчысы гисминдә чыхыш едән В.Оруҹова ирадыны билдирәрәк, иттиһам олунан шәхслә мүттәһим арасында фәрг гојмадығыны, илк ҝүндән Ә.Зејналлыја гаршы һәрәкәт вә давранышлары илә гәрәз нүмајиш етдирдијини мәһкәмә һејәтинин диггәтинә чатдырмаға чалышмышды.
Диггәт: Хәбәрдән истифадә етдикдә мәнбәјә истинад лазымдыр
