Әһли Бејт -АБНА- хәбәр аҝентлијинин вердији хәбәрә әсасән Ајәтуллаһ Мөһсин Мүҹтәһид Шәбүстәри бу һәфтәки ҹүмә намазынын икинҹи хүтбәсиндә деди: "Ислам Ојанышы бүтүн Ислам дүнјасыны бүрүдүјү бир һалда Азәрбајҹан Республикасы һакимијјәти 95 фаизи мүсәлман олан вә онун 85 фаизини Шиәләр тәшкил едән өлкәдә анти-Ислам һәрәкәтләрини ҝүҹләндирмәкдәдир".
Ајәтуллаһ Мөһсин Мүҹтәһид Шәбүстәри Бакы дөвләтинин Ислам һөкмләринә мәһәл гојмамасына ишарә едәрәк артырды: "Азәрбајҹандакы һакимијјәт ашкар сурәтдә Исламла мүбаризәјә галхмышдыр вә бу чәрчивәдә чох позғун вә биабырчы "еуровисион" адлы бир мүсабигәни Бакыда кечирмәји гәрарлашдырмышдыр. Әлбәттә, бундан да биабырчы вә рүсваједиҹи дүнјанын 70 өлкәсиндән 2000-дән чох һомосексуалын ҝеј-парад кечирмәк мәгсәдилә Бакыја ахышыб ҝәлмәсидир".
Тәбризин имам ҹүмәси 2009-ҹу илдә Русијанын һомосексуалларын парадыны ләғв етмәсинә дә тохунараг деди: "Гејри-Ислами бир өлкә өз өлкәсиндә јашајан мүсәлманларын етигадына һөрмәт әламәти олараг һомосексуалларын парадыны ләғв етди. Амма Ислам Әмәкдашлыг Тәшкилатынын үзвү олан мүсәлман өлкәси Азәрбајҹан, һомосексуалларын парадынын ләғви барәдә рәсми бир бәјанат вермәкдән бојун гачырыр".
Ајәтуллаһ Мүҹтәһид Шәбүстәри хүтбәсинин давамында кечән һәфтә Азәрбајҹан Республикасынын Тәбриздәки баш консулу илә ҝөрүшүнә вә онун һомосексуалларын парадынын ләғви барәдә рәсми бәјанат верәҹәкләри вәдинә ишарә едәрәк артырды: "Јазыглар олсун ки, Бакы дөвләти сионистләрин разылығыны ҹәлб етмәкдән өтәри бу бәјанаты вермәкдән чәкиндиләр".
Тәбризин Имам Ҹүмәси билдирди: "Азәрбајҹан Республикасы дөвләтинә хәбәрдарлыг едирик ки, дәрһал һомосексуалларын парадынын ләғвини елан етсин вә бу парады кечирмәкдән чәкинсин. Бундан гејри сурәтдә Азәрбајҹан Республикасы халгынын наразылығынын артмасындан әлавә, Иран Ислам халгынын нифрәт вә гәзәбини дә сөндүрмәк мүмкүн олмајаҹаг".
Ајәтуллаһ Мөһсин Мүҹтәһид Шәбүстәри хүтбәсинин сонунда әмр бе мәруф вә нәһј әз мүнкәр кими ваҹиб әмәлләри Иранын мүсәлман халгынын вә алимләринин башга өлкәләрин ишләринә мүдахилә јох, бәлкә онларын өз дини вәзифәләрини јеринә јетирмәләри адландырараг артырды: "Бакы дөвләти бизи Гарабағ барәдә мөвге билдирмәмәкдә тәгсирләндирир. Һалбуки, биз һәмишә Гарабағын ермәниләр тәрәфиндән ишғалыны писләмишик вә инди дә писләјирик вә Гарабағын азадлығына тәкид едирик".
Диггәт: Хәбәрдән истифадә етдикдә мәнбәјә истинад лазымдыр
