Әһли Бејт -АБНА- хәбәр аҝентлијини- Алманијанын Иҹтимаи телевизијасы олан “АРД”нин интернет сәһифәсиндә Азәрбајҹанла бағлы мәгалә дәрҹ олунуб. “Демократија мајакы алтында охујанлар” башлыглы мәгаләдә өлкәмизин “Еуровисион” мусиги јарышмасына һазырлығы вә һакимијјәтин јарышмадан истифадә етмәк ҹәһдләри өз әксини тапыб. Мәгаләдә вурғуланыр ки, “Еуровисион” заманы Азәрбајҹан өзүнү демократик дөвләт кими тәгдим етмәк истәјир. Амма Алманија системли шәкилдә бу “уғур”ун үстүнү ҹызыр. Мәгаләни гыса ихтисарла тәгдим едирик:
“Демократија мајакы алтында охујанлар”Азәрбајҹан һөкумәти мәркәздәки Истиглалијјәт күчәсиндә, ағ мәрмәрли, 14 мәртәбәли бинада јерләшир. Бурада фотошәкил чәкмәк гәти гадағандыр. Тарих вә фәлсәфә елмләри намизәди Әли Һәсәнов 18 илдир ки, Президент Администрасијасынын иҹтимаи-сијаси ишләринә ҝөрә мәсулијјәт дашыјыр. Алман журналист групуну гәбул едән Һәсәнов бирбаша мәтләбә кечди: “Гәрб КИВ-ни, о ҹүмләдән бизи тәнгид едәнләр Азәрбајҹаны һәртәрәфли тәгдим етмәлидирләр”.Онун сөзләриндә гәзәб һисс олунурду.Дөвләт башчысы гаршыдан ҝәлән мусиги јарышмасындан истифадә едәрәк, нәһәнҝ тәдбирләрин тәшкилатчысы олдуғуну сүбут етмәк истәјир. Алманијада мәтбуат вә һүгуг мүдафиәчиләри Азәрбајҹанда кечирилән мүсабигәни бојкот етмәјә чағырырлар.Нүмајишчиләри өләнә гәдәр дөјмүшдүләрӘли Һәсәнов бу кечмиш совет республикасынын 20 иллик мүстәгиллик тарихиндән демократикләшмә фактларыны да садаламаға башлады. Гејд етди ки, онун өлкәси Авропанын бир һиссәси олмаг истәјир. Демократик дәјәрләр бахымындан Азәрбајҹан Шәрг гоншулары үчүн мајакдыр: “Азәрбајҹан Авропа Шурасынын үзвү кими, өз ганунвериҹилијини Авропа стандартларына ујғунлашдырыр”.Анҹаг Азәрбајҹан һөкумәти нәзарәти әлиндә сахламағы өјрәниб. Һакимијјәт 2003, 2005-ҹи илләрдә нүмајишчиләри өләнә гәдәр дөјдүрмүшдү. Амма өтән илин јазында “Әрәб баһары”ндан илһамланан етиразлар заманы белә мәнзәрәдән јајына билди. Бунунла белә, хејли етиразчы һәбсханаја ҝөндәрилди.Һакимијјәт сон 7 илдә илк дәфә олараг, “радикал мүхалифәт”ин митингинә иҹазә вериб. Бу өлкәдә әнәнәви мүхалифәтин парлаг сималары Мүсават вә Азәрбајҹан Халг Ҹәбһәси партијаларыдыр.Һәмин партијалар мүстәгиллик газаныландан сонра гыса мүддәт һакимијјәтдә олуб.Мүхалифәтә шәһәрин кәнарында, һәр тәрәфдән һасарланмыш јердә митинг кечирмәјә иҹазә верилди. Полис зиреһ вә дәјәнәк дашымырды, амма нәглијјат ифлиҹ олмушду. Пагонлу дөвләт мәмурлары вә мүлки ҝејимлиләр етираз едәнләри лентә алырдылар.Һакимијјәтин чиркин ҝөздәнсалма кампанијасы2010-ҹу илдән реал, “радикал” мүхалифәт парламентдә тәмсил олунмур. Парламентдә һаким партија илә јанашы, “конструктив”, һөкумәтјөнлү мүхалифәт тәмсил олунур. Бу, вәтәндаш ҹәмијјәти вә КИВ гаршысында дајанан дирижора охшајыр. Һөкумәт өз ГҺТ-ләрини, ҝәнҹләр тәшкилатларыны, медиасыны јарадыр, онлары малијјә бахымдан дәстәкләјир.Һәсәнов рәгәмләрлә данышыр. Мәсәлән, өлкәдә 40 партијанын вә дөвләт гејдијјатындан кечмиш 3500 ГҺТ-ин олдуғуну дејир. Һалбуки, бу өлкәдә “радикал” мүхалифәтин вә Ислам партијасынын бир чох нүмајәндәләри һәбсханададыр.Һакимијјәтин, ону тәнгид едәнләри ҹәмијјәтин ҝөзүндә алчалтмаг үчүн өз медиасы да вар. 2011-ҹи илдә Илһам Әлијевин әмиси оғлуна аид “Лидер” телеканалы һакимијјәтин ики әлејһдарынын видеокадрларыны јајмышды. Мүхалифәт партијасы АХҸП-нин мәтбуат катиби Натиг Әдилов вә журналист Ган Туралынын видеоҝөрүнтүләри “Конрад Аденауер” Фондунун семинар тәшкил етдији отелдә лентә алынмышды.Хәдиҹә Исмајылова да бу өлкәдә тәнгидчи журналистдир. Онун да видеоҝөрүнтүләри артыг интернетдә јајылыб. Анҹаг бу јолла һакимијјәт ону президент аиләсинин мүхтәлиф ширкәтләрлә бизнес әлагәләрини арашдырмагдан ҝери чәкә билмәди. Һакимијјәт Хәдиҹә Исмајылованы ҝөздән салмаға да мүвәффәг ола билмәди. Һәтта гаты диндар сајылан Нардаранлылар да Исмајылованы мүдафиә етдиләр. Һалбуки, Хәдиҹә өзү атеистдир.Алманијаја гаршы кампанијаАзәрбајҹанда инсан һагларынын мүдафиәсилә мәшғул олан, алман медиасында танынан һүгуг мүдафиәчиси Лејла Јунусу Әли Һәсәнов өз өлкәсинә гаршы кампанија апармагда ҝүнаһландырыр. Үмумијјәтлә, Азәрбајҹанда һөкумәт Алманијаја гаршы кампанија апармаға башлајыб. Алманијанын инсан һүгуглары үзрә Омбудсманы Маркус Лөнинг, Авропа Шурасы Парламент Ассамблејасынын Азәрбајҹанда сијаси мәһбуслар үзрә мәрузәчиси кими, ики ил јарымдыр бу өлкәјә виза ала билмәјән Кристофер Штрассер дә бу кампанијанын һәдәфи олду. Һаким партијанын мәтбуат органы олан “Јени Азәрбајҹан” гәзетиндәки фотоколлажда Лөнингин, Алманијанын Азәрбајҹандакы сәфири Һерберт вә мүхалифәт лидерләринин шәкилләри Һитлерлә бирликдә верилмишди.Рәсми Бакыја гаршы шүбһәләрАшкар ҝөрүнүр ки, бағлы гапылар архасында сәсләнән тәнгидләр нәзәрә алынмыр. Ачыг тәнгидләр дә шәхси гәрәз кими гәбул олунур. Рәсми Бакынын тәдриҹи демократикләшмәјә ҹидди јанашаҹағы шүбһәли ҝөрүнүр. Диггәт: Хәбәрдән истифадә етдикдә мәнбәјә истинад лазымдыр
