Әһли Бејт -АБНА- хәбәр аҝентлијинин вердији хәбәрә әсасән Мүгәддәс Мәшһәд шәһәриндә тәһсил алан тәләбәләр Азәрбајҹандакы иҹтимаи-сијаси, дини дурумла бағлы бәјанат гәбул едибләр. Бәјанатын мәтнин там олдуғу кими диггәт нәзәринизә чатдырырыг:
Бисмиллаһир-рәһманир-рәһим
أَ لَمْ تَرَ إِلىَ الَّذِينَ يَزْعُمُونَ أَنَّهُمْ ءَامَنُواْ بِمَا أُنزِلَ إِلَيْكَ وَ مَا أُنزِلَ مِن قَبْلِكَ يُرِيدُونَ أَن يَتَحَاكَمُوا
إِلىَ الطَّغُوتِ وَ قَدْ أُمِرُواْ أَن يَكْفُرُواْ بِهِ وَ يُرِيدُ الشَّيْطَانُ أَن يُضِلَّهُمْ ضَلَالَا بَعِيد
Мәҝәр, сәнә назил олана вә сәндән әввәлкиләрә (кечмиш пејғәмбәрләрә) иман ҝәтирдикләрини ҝүман едән, лакин, мүһакимәни тағут вә залим һакимијјәтин јанына апармаг истәјән кәсләри ҝөрмәдин?! Дәрһал ки ,онлара әмр олунмушдур:- “залим һакимијјәтдән үз дөндәрсинләр, Шејтан онлары узун-узады бир зәлаләтлә аздырмаг истәјир.” (Ниса сурәси ајә 60)
Азәрбајҹан ҹәмијјәтинин әксәријјәтини Әһли-Бејт ардыҹыллары тәшкил едир. Буна бахмајараг, Имам Садиг мәктәбинин давамчылары да мүхтәлиф мөвзулара мүнасибәтдә сәлигә фәргләринә маликдирләр. Кимсә дини дәјәрләрин иҹтимаиләшмәсиндә јалныз сечкиләр, ислаһатлар јолуну дәстәкләјир, кимсә авторитар режимлә данышыгларын мәнасыз олдуғуну әсас ҝөстәрәрәк аксијалар, јүрүшләр, тәзјигләр јолуна үстүнлүк верир. Елә мәһз бу сәлигә вә фикир ајрылыглары бу мәктәбдәки инкишаф вә тәрәггијә јол ачараг һаггын батилдән ајырылмасына хидмәт етмишдир.
Дүнја иҹтимајәти фикир вә сөз азадлығыны ҹәмијјәтдә бәзи негатив һалларын арадан галдырылмасына көмәк едән фајдалы бир фактор кими сәҹијјәләндириб иҹтимајәти буна сөвг етдији кими Ислам да тарих боју мәһз фикир вә дүшүнҹә азадлығыны әсас биләрәк ҹәмијјәти сағлам дүшүнҹәјә тәшвиг етмишдир. Фәргли дүшүнҹәләрин варлығына бахмајараг ислам дини инсан дүшүнҹәнин мәһдудлашдырылмасыны инсанлыға олунан ән бөјүк хәјәанәтләрдән бири кими гијмәтләндирир. Белә олмазса һамы бир мәналы шәкилдә һансыса ҝүҹ структурунун истәр һагг, истәр батил олан гајда вә ганунларына табе олмаға мәҹбурдур. Бунун нүмунәси кими тарих боју христиан килсәләринин ҹаматы бирмәналы дүшүнҹәјә вадар едәрәк, мадди вә мәнәви истисмарыны гејд етмәк олар. Иранда дини тәһсил алан азәрбајҹанлы тәләбәләр өз вәтәнләриндә рәсми даирәләр тәрәфиндән бирмәналы олараг “зәрәрли үнсүр” кими тәгдим олунур. Амма, халг белә дүшүнмүр. Мәмләкәтин истәнилән нөгтәсиндә дини тәһсил алмыш ҝәнҹләр халг тәрәфиндән севҝи илә гаршыланыр, диггәтлә динләнилир вә онларын сөзләри илә һесаблашырлар. Рәсми даирәләр дә бир шеји унудур ки, истәнилән топлумда фәргли дүшүнҹәли инсанлар олур. Иранда тәһсил алан тәләбәләр дә стандарт тәфәккүрә малик дејил. Онлары фәргләндирән ҹәһәт нә гәдәр чох олса да бу инсанлары вәтән севҝиси бирләшдирир.Әлбәттә ки, бу севҝи мүхтәлиф формаларда тәзаһүр едир. Мәшһәд тәләбәләри јахын кечмишә гәдәр иҹтимаи-сијаси фәалијјәтләрдән узаг олуб, јеҝанә вәзифәсини тәһсил алмагда ҝөрүб. Амма, инсан иҹтимаи варлыгдыр. О, әтрафында баш верән һадисәләрә биҝанә гала билмир. Диҝәр тәрәфдән, Азәрбајҹан Республикасында јүздән артыг Әһли-бејт давамчысы, руһани, исламчы ачыг-ашкар шәрләнәрәк һәбс олунурса, хариҹдә тәһсил алан тәләбәләрә Милли Мәҹлис сәвијјәсиндә өҝеј мүнасибәт ҝөстәрилирсә, истәнилән гејри-сијаси вәтәндаш сијасиләшмәјә башлајыр.
Биз Азәрбајҹандакы һадисәләрә узун мүддәт, ијирми илә јахын мүнасибәт билдирмәдик. Мәсҹидләр учурулду сусдуг, азана мәһдудијјәт гојулду сусдуг, һиҹаб јасагланды сусдуг. Нәһајәт, бу мәһдудлашдырмалар бизим дә гапымызы дөјдү: хариҹдә дини тәһсил аланлар “ганундан кәнар” елан едилди. Биз нә етмәлијик? Јенә дә сусмалыјыгмы? Бәс ҝәнҹлијимизи, һәјатымызы сәрф едиб, јухусуз ҝеҹәләр, ағыр һәјат шәраитинә гатлашараг әлдә етдијимиз биликләр нә олсун? Демәк, наркоманија, алкоголизм, фаһишәлик вә башга мин бир мәнәвијјатсызлыгдан әзаб чәкән халгын Аллаһ кәламына, руһани сөзүнә еһтијаҹы јохмуш? Демәк, биз дә вәтәнимиздә халга Исламдан данышсаг ганун әсасында ҹәзаландырылҹағыг?
Мәшһәддә тәһсил алан азәрбајҹанлы тәләбәләр узун мүзакирәләрдән сонра белә бир гәрара ҝәлибләр ки, сусгунлуг дөврүнә сон гојулсун. Чүнки, “Иранда тәһсил алан радикал бахышлылар” дејиләндә һеч вахт Мәшһәд тәләбәләри истисна олунмады. Биз әмин олдуг ки, һазырда Азәрбајҹанда дөвләт сәвијјәсиндә Ислама гаршы апарылан кампанија бүтүн мәзһәбләри,фиргәләри, иҹмалары әһатә едир. Ислама гаршы оланлар үчүн гаршысындакы диндарын бахышлары әһәмијјәтсиздир, әсас одур ки, бу инсан диндардыр.Бу репрессиалар гаршысында сусмаг ислам динин бахышында һарам вә бөјүк ҝүнаһлардан сајылыб вә әһли бејтдән бизләрә чатан рәвајәтләрә әсасән динин көкү тәһлүкәдә олан вахтда сусан дин алимләри мәлун вә хәјанәткар һесаб олунур. биздә бәзи ҝүҹ структурларынын ејнијлә килсә һакимијјәтиндәки кими бизи бир мәналы дүшүнмәјә вә “дөвләтлә дөвләтчилик етмәк олмаз” идеолоҝијасына бојун әјмәјә мәҹбур етмәкләринә бахмајараг бу ҝүн бүтүн дүнја өлкәләриндә алгышланан дүчүнҹә вә сөз азадлығыны өндә тутараг баш верән бу сијаси проссесләрә өз мүнасибәтимизи билдирмәјә чалышдыг.
Мүгәддәс Мәшһәд шәһәриндә дини тәһсил алан азәрбајҹанлы тәләбәләр дөвләт башчысына, әлагәдар гурум рәһбәрләринә мүраҹиәт едәрәк бу вәзијјәтә сон гојулмасыны тәләб едир вә бу ҝүнә гәдәр динимизә гаршы олан репресиалары, руһаниләрин шәррәнәрәк һәбс олунмасыны вә с. сәрт шәкилдә писләјир.Халгымызын һазырда бир дүшмәни вар, о да тәҹавүзкар ермәнидир. Өз арамызда дүшмән ахтармаг сијасәти тәҹавүзкар АБШ вә онун мүттәфигләринин планыдыр. Бахын Фәләстинә, Әфганыстана, Ирага! Харабаја дөндәрилмиш мүсәлман торпагларында нә ахтарыр биҝанәләр? Онларын бир мәгсәди вар: “Ислам Ојанышынын гаршысыны алмаг вә мәһз, буна хатир бөјүк лајиһәләрә имза атараг, мүсәлман өлкәләрини дүнјанин фәсад мәркәзләринә чевирмәк (евровисион, ҝејпарад).”
Үмүд едирик ки, бу ҝүнә гәдәр бу ишдә дүшмәнә јардымчы олмуш һөкүмәтимиз бундан сонра сијасәтиндә көклү дәјишикликләр едәҹәк, өз вәтәндашыны тәҹавүзкар биҝанәләрин глобал ишғал сијасәтинә гурбан вермәјәҹәк.
Мәшһәддә тәһсил алан азәрбајҹанлы тәләбәләр
Диггәт: Хәбәрдән истифадә етдикдә мәнбәјә истинад лазымдыр
