Әһли Бејт -АБНА- хәбәр аҝентлији- Бакыда кечириләҹәк “Евровисион” маһны мүсабигәси габағы баш тутаҹаг “ҝеј-парад” барәдә мараглы мәлуматлар дахил олуб. Мәлуматда билдирилир ки, сон ҝүнләр Бакыда вә өлкәнин диҝәр ири шәһәрләриндә үздәнирагларын нүмајандәләри активләшибләр.
Әлавә олараг хәбәрдә билдирилир ки, бу јахынларда “мави” ләр бир араја ҝәләрәк “ҝеј-парад”ын кечирилмәсини мүзакирә едибләр. Мәлумата ҝөрә, һәтта “әнәнәви ҝеј-парадын" баш тутмасы үчүн “мавиләрин” һәр биринә 50 манат пул да тәклиф олунуб.
Бәли, бу ҝүн аз гала бүтүн Азәрбајҹан «Авровизија» маһны јарышмасынын авазлары үстүндә көкләниб. Профилиндән асылы олмајараг бүтүн дөвләт гурумлары, бүтүн бүдҹә тәшкилаты чалышанлары санки бир орду кими сөзүҝедән бејнәлхалг јарышманын әсҝәринә чеврилибләр.
Евләр учурдулур, инсанлар инҹидилир, проблемләр башдан ашыр, амма ««Авровизија»јаја һазырлашырыг» бәһанәси илә һәр кәс сусдурулур. Һәтта бүтөв дөвләт апараты, назирләр белә бу ҝүн бүтүн иш-ҝүҹләрини бурахыб «Авровизија»нын пешинә дүшүбләр. Санки бир-ики мүғәннимизин сәһнәдә чалыб-ојнамасы милјонларла инсанын һәјатындан ваҹиб имиш. Һәр һалда, бүтүн бу јашадыгларымыз биабырчы вә ејбәҹәр Азәрбајҹан реаллыгларындандыр.
Бир өлкәдә ки инсанларын һәјаты һансыса шоудан алынан зөвгүн маһијјәтиндән дә уҹуздурса, һәмин өлкәни һансы агибәтин ҝөзләдијини тәсәввүр етмәк дәһшәтлидир. Әҝәр бу ҝүн Зија Мәммәдов бир гарын аҹ, бир гарын тох шәраитиндә јашајан такси сүрүҹүләринә өзүнүн АВРОПА СТАНДАРТЛАРЫНЫ дигтә едирсә вә онларын сон доланышыг үнванларыны әлләриндән алараг онлара «СИЗИН СҮРДҮЈҮНҮЗ МАШЫНЛАРЫ ҜӨРӘНДӘ УТАНЫРАМ» бәһанәсини ҝәтирирсә, бу өлкәдә инсанын һансы гијмәтдә олдуғуну билмәк һеч дә чәтин дејил.
Бәли, бу ҝүн Азәрбајҹан там олараг «Авровизија» һавасы үстүндә көкләниб. Һәтта дејилир ки, һакимијјәтин адда-будда шәкилдә вердији азадлығын лимити дә һәмин јарышманын битәҹәји ҝүнә гәдәрдир. Артыг белә бир тәлатүм бүтүн әкс характерли сијаси дүшәрҝәләрә һаким кәсилиб. Елә експертләрин вердикләри рәјләрдән дә ајдын олур ки, бу јарышма битәр-битмәз дишини додағына сыхмыш ЈАП игтидары репрессија машыныны олмамыш кими ишә салаҹаг.
Ким дејир ки, «Авровизија» әрәфәсини сакит шәраитдә јашајырыг? Бир јандан журналистләр, сијасәтчиләр һәбс олунур, диҝәр јандан инсанларын евләри башларына учурулур. Һәлә үзәрләриндә бејнәлхалг диггәтин олдуғу шәраитдә бу һәнҝмаәләри јашадырлар. Ҝөр, «Авровизија» битдикдән сонра нәләр баш верәҹәк?
Бу барәдә һәмсөһбәтимиз олан һакимијјәтә јахын сималардан биринин сөјләдикләри дә һәмин дәһшәтләрлә бғлыдыр. Мәнбәмиз билдирир ки, артыг индидән кимләрлә «һагг-һесабын чәкиләҹәји» бәллидир: «Һәм мәтбуат ишчиләриндән вә һәм дә сијасиләрдән шәрләнәрәк һәбс олунанлар олаҹаг. Иҹтимаи фәаллыг едән шәхсләрин дә һәдәфә алынаҹағы шүбһәсиздир».
Мәнбәмиз билдирир ки, ән дәһшәтли мәнзәрә әјаләтдә мүшаһидә олунаҹаг: «Бу ҝүн әјаләт ган чанағыны хатырладыр. Вә елә буна ҝөрә дә һакимијјәт әјаләт инсанларымыза әмәлли-башлы дәрс вермәк фикриндәдир. Күтләви һәбсләр, репрессијалар ҝөзләнилир вә кимләрин һәбс олунаҹағы да индидән бәллидир».
Беләҹә, «Авровизија» тәлатүмүнүн ардындан Азәрбајҹаны бир репрессија фыртынасынын ҝөзләдији прогнозлашдырылыр.
Аллаһ көмәјимиз олсун…
"Дүнја" Информасија Аҝентлији.
Диггәт: Хәбәрдән истифадә етдикдә мәнбәјә истинад лазымдыр
