Әһли Бејт -АБНА- хәбәр аҝентлијинин вердији хәбәрә әсасән Иран Ислам Республикасынын истеһсал етдији јерли радар 10 ҝүн әрзиндә истисмара вериләҹәк. Буну “Хатәмүл-әнбија” һава һүҹумундан мүдафиә гәрарҝаһынын команданы Фәрзад Исмаили журналистләрә ачыгламасында дејиб.
О билдириб ки, “Самен” адлы радар 100% Иран Ислам Республикасынын истеһсалыдыр: “ Һазырда иранлы алимләр радарын гурашдырылмасы илә мәшғулдурлар. Ҝениш әһатәјә малик “Самен” өлкәнин ән өнәмли әразисиндә истифадә едиләҹәк. Бу радар учан ән кичик һәҹмли објектләри дә ашкар едә биләҹәк ҝүҹдә истеһсал олунуб”.
Ф.Исмаили әлавә едиб ки, Иран Ислам Республикасынын диҝәр өнәмли әразиләриндә дә бу радардан истифадә едиләҹәк.
Диггәт: Хәбәрдән истифадә етдикдә мәнбәјә истинад лазымдыр
