Әһли Бејт -АБНА- хәбәр аҝентлијинин вердији хәбәрә әсасән Азәрбајҹан Республикасындан олан илаһијјатчы Исҝәндәр Һүсејнзадә ИСНА-ја мүсаһибәсиндә дејиб: “Азәрбајҹан Республикасындакы вәзијјәт Исраилин бөһранлы дурумундан тәсирләнмиш бир вәзијјәтдир. Гәрб дөвләтләри, АБШ вә Исраил сионист режимин јашадығы бөһраны пәрдәләмәк үчүн Иранын вәзијјәтини критик ҝөстәрмәјә чалышырлар. Азәрбајҹан Республикасы АБШ вә Исраилин стратежи мејданчасы олараг Иранла гәрәзли дипломатија јүрүдүр.”
Исҝәндәр Һүсејнзадә ИСНА-нын Шәрги Азәрбајҹандакы офисиндә мүхбирләрлә сөһбәтиндә әлавә едиб: “Исраиллә истәнилән бир формада вә сәвијјәдә рабитәси олан бүтүн өлкәләр Иранла рабитәләрдән чәкиндирилир. Бу өлкәләр чалышырлар ки, Иранла сојуг мүнасибәтдә олдугларыны ҝөстәрсинләр. Азәрбајҹан да Исраилин тәсири алтында олан өлкәләрдәндир. Азәрбајҹан рәсмиләри 15 илдән артыгдыр ки, Тел-Әвивлә рәсми вә гејри-рәсми рабитә сахлајырлар. Арадакы разылашмаларын чоху мәхфидир.”
Һүсејнзадә дејиб: “Мәһз мәхфи разылашмалар вә мүамиләләр сајәсиндә Азәрбајҹан Исраилин һөкмү алтына дүшүб. Јүксәк чинли мәмурларын капиталлары Авропа вә Исраил банкларында јатырдылыб. Әҝәр Бакы Тел-Әвивә гаршы чыхса Исраил мәхфи разылашмалардан тәзјиг васитәси кими истифадә едәҹәк. Беләҹә Азәрбајҹан рәсмиләри Исраилин дигтәси алтында һәрәкәт етмәк мәҹбуријјәтинда галыб.”
Азәрбајҹанлы илаһијјатчы Бакы һөкумәтинин диктатор режимләр сырасында олмасына ишарә илә дејиб: “Азәрбајҹандакы һазыркы дурум Гәрб вә Исраилә баҹ вермәк дурумудур. Бу дөвләтләр һәр васитә илә тәзјигләри артырыб даһа чох имтијаз әлдә едирләр.”
Илаһијјатчы әлавә едиб: “Бу имтијазлар вә тәзјигләр Азәрбајҹан һөкумәтини горху вә үмид арасында сахлајыб. Гәрб вә Исраил бу тәрәддүдлү дурумдан истифадә едиб Бакы-Теһран мүнасибәтләрини һәр ҝүн даһа да ҝәрҝинләшдирирләр. Мисал олараг Суријаны ҝөстәрирләр ки, Сурија Иранла достлуг сәбәбиндән проблемләр ичиндәдир. Азәрбајҹан да Иранла хош мүнасибәт гурса Суријанын агибәтинә дүчар олаҹаг. Бу сәбәбдән Иран-Азәрбајҹан мүнасибәтләри һәр ҝүн даһа да ҝәрҝинләшир.”
Һүсејнзадә сөзүнә белә давам едир: “Азәрбајҹан рәсмиләри бүтүн бу сәбәбләрдән Иранла дүшмәнчилик ҝөрүнтүсү јарадырлар. Онлар бу јолла тәзјигләри азалтмаг истәјирләр. Иш о јерә чатыб ки, Бакы рәсмиләри Иранла саваш һәддинә чатдыгларыны билдирирләр.”
Һүсејнзадә сөһбәтин давамында Азәрбајҹанда ислами дәјәрләрин ҝениш јер алмасына ишарә илә дејиб: “Азәрбајҹан советләр бирлији дағылдыгдан сонра Ислама гуҹаг ачды. Ҝәнҹләрин күтләви шәкилдә динә үз тутмасы, мәсҹидләрин ачылмасы, дини ҹәмијјәтләрин јаранмасы һөкумәти горхуја салды. Президент администрасијасы тәрәфиндән јарадылан мүхтәлиф комиссијалар Ислам ојанышыны гаршысыалынмаз һадисә кими дәјәрләндирдиләр. Беләҹә Ислам ојанышы режим үчүн приоритет тәһлүкә сајылды. Бу комиссијалар дини ојанышын гаршысыны алмаг үчүн лајиһәләр вердиләр вә динлә мүбаризәни Азәрбајҹан һөкумәтинин стратежи вәзифәси кими ортаја гојдулар.”
Илаһијјатчы дејиб: “Шәраитин бу формада давамы Азәрбајҹан рәсмиләриндә Ислама гаршы дүшмән мүнасибәт јаратды. Мәсҹидләр сөкүлдү, һиҹаба гадаға гојулду, азан јасагланды, парламент сәвијјәсиндә дини тәблиғат мәһдудлашдырылды, һәтта ҹәза тәдбирләри нәзәрдә тутулду.”
Һүсејнзадә режимин тәзјигләринә гаршы мүгавимәт һәрәкатына ишарә илә дејир: “Азәрбајҹан ҹәмијјәтиндә бүтүн тәбәгәләр мөвҹуд вәзијјәтдән наразыдыр вә бу наразылығы етираз аксијалары шәклиндә ортаја гојуб. Әлбәттә ки, режимин гојдуғу мәһдудијјәтләрә етираз ҹавабсыз галмыр вә репрессијаларла мүшајиәт олунур. Етираз аксијалары илә јанашы һиҹаб гадағасына гаршы “100 мин имза” аксијасыны гејд едә биләрик. Бу аксијада мәктәбләрдә һиҹаб гадағасына бүтүн зүмрәләр етираз едиб. Һәтта дөвләт рәсмиләри арасында да бу аксијаја гатыланлар вар. Һазырда һиҹаб гадағасына етираздан долајы 100 нәфәрә јахын илаһијјатчы, дини фәал шәрләнәрәк һәбс олунуб.”
Һүсејнзадә сөзүнү белә тамамлајыб: “Азәрбајҹан халгы гардаш Иран Ислам Республикасы вә Иран халгындан азадлыг һәрәкатына дәстәк ҝөзләјир вә информасија васитәләриндә бу һәрәкатын ишыгландырылмасыны арзулајыр.”
Диггәт: Хәбәрдән истифадә етдикдә мәнбәјә истинад лазымдыр
