Әһли Бејт -АБНА- хәбәр аҝентлијинин вердији хәбәрә әсасән Азәрбајҹан Ислам Партијасы (АИП) “Һиҹаба Азадлыг” аксијасына ҝөрә һәбс олунанларын азадлыға бурахылмасы илә әлагәдар бүтүн бејнәлхалг тәшкилатлара мүраҹиәт едиб. Бу барәдә Азәрбајҹан Ислам Партијасынын сәдр әвәзи Елчин Манафов мәлумат вериб.
О билдириб ки, Ислам Партијасы һиҹаба ҝөрә тутуланларын азад олунмасында исрарлыдыр. Онун сөзләринә ҝөрә, АИП һәбс олунанларын азадлыға чыхмасы үчүн бүтүн свил јоллардан истифадә едәҹәк: “Биз вәкилләр васитәсилә бүтүн бејнәлхалг тәшкилатлара мүраҹиәтләр етмишик. Һүгугларымыын тәмин олаҹағына үмүд едирик”.
Хатырладаг ки, “Һиҹаб Азадлыг” аксијасы бу ил мајын 6-да Тәһсил Назирлији гаршысында кечирилиб. Аксија илә бағлы Бакы Шәһәр Прокурорлуғунда иш ачылыб. Истинтаг групунун рәһбәри Бакы Шәһәр Баш Полис Идарәсинин истинтаг вә тәһгигат идарәсинин рәиси Назим Исмајыловдур. "Һиҹаба азадлыг" аксијасында һәбс олунанлар Ҹинајәт Мәҹәлләсинин 221.2.2 вә 221.3. маддәләри илә әлијевләр режими тәрәфиндән Шәрләнәрәк иттиһам олунурлар.
Диггәт: Хәбәрдән истифадә етдикдә мәнбәјә истинад лазымдыр
