Әһли Бејт -АБНА- хәбәр аҝентлијинин вердији хәбәрә әсасән Февралын 29-да Али Мәһкәмәдә Азәрбајҹан Ислам Партијасынын лидери Доктор Мөвсүм Сәмәдов, онун гајыны Фирдовси Мәммәдрзајев, әмиси оғлу Дәјанәт Сәмәдов, партија сәдринин мүавини Вагиф Абдуллајев вә Астара рајон тәшкилатынын сәдри Руфулла Ахундзадә, руһаниләр Фәрамиз Аббасов вә Зүлфүгар Микајылзадәнин кассасија шыкајәтләринә бахылыб. Просесә режим һакими Һафиз Нәсибов сәдрлик едиб. Просесдә тәгсирләндирилән шәхсләрин вәкилләри иштирак едиб.
Вәкил Анар Гасымлы ачыгламасында шикајәтин тәмин олунмадығыны дејиб: “Бакы Апеллјасија Мәһкәмәсиндә һазырлыг иҹласы кечириләркән ишә мәһкәмә истинтагы гајдасында бахылмасыны истәмишдик. Бу истәјимизә “јох” дејилдијиндән Али Мәһкәмәјә шикајәт вермишдик. Шикајәт тәмин олунмады”.
2011-ҹи ил октјабрын 7-дә әлијевләр Ағыр Ҹинајәтләр Мәһкәмәсиндә Азәрбајҹан Ислам Партијасынын лидери Мөвсүм Сәмәдов 12 ил, партијанын Астара рајон тәшкилатынын сәдри Руфулла Ахундзадә 11 ил 6 ај, партијанын сәдр мүавини Вагиф Абдуллајев 11 ил, Масаллы руһаниси Фәрамиз Аббасов 11 ил, Мөвсүм Сәмәдовун гајыны Фирдовси Мәммәдрзајев, әмиси оғлу Дәјанәт Сәмәдовун һәр биринин 10 ил мүддәтинә һәбс верилмәсинә даир бәднам һөкм чыхарыб. Илаһијјатчы алим Зүлфүгар Микајылзадә 5 ил сынаг мүддәти тәтбиг олунмагла 11 ил шәрти һәбс ҹәзасына мәһкум олунуб.
Исламчылар јенидән Бакы Ағыр Ҹинајәтләр Мәһкәмәсинин һөкмүндән апеллјасија шикајәти верибләр.
Диггәт: Хәбәрдән истифадә етдикдә мәнбәјә истинад лазымдыр
