Әһли Бејт -АБНА- хәбәр аҝентлијинин вердији хәбәрә әсасән рәсми мәлумата ҝөрә Азәрбајҹанда 500-ә гәдәр зијарәтҝаһ вар вә бунларын 50-си даһа мәшһур олдуғундан, һәмин јерләрә инанҹлы инсанлар чох ҝедирләр.
Бу зијарәтҝаһлара һәр ҝүн мүәјјән мәбләғдә пулларын нәзир гојулдуғу һеч кимә сирр дејил.
Зијарәтҝаһлардакы нәзир гутуларына јығылан пуллара нәзарәт вахтилә Гафгаз Мүсәлманлары Идарәсилә Дини Гурумларла Иш үзрә Дөвләт Комитәси (ДГИДК) арасында мүәјјән наразылыглара да сәбәб олмушду. Һәтта 2010-ҹу илдә ДГИДК сәдри Һидајәт Оруҹов зијарәтҝаһларда јерләшдирилән нәзир гутуларына нәзарәт ишинин пәракәндә олдуғуну сөјләмиш, нәзир гутуларына нәзарәтлә бағлы јени тәдбирләр һазырланаҹағыны билдирмишди.
Амма сонрадан бу мәсәлә илә бағлы һәр һансы јенилик баш вермәди. Дини Гурумларла Иш үзрә Дөвләт Комитәсиндән билдирилиб ки, бу мәсәләнин ады чәкилән рәми органа аидијјаты јохдур вә онлар нәзир гутуларына нәзарәт ишилә мәшғул олмурлар.
Беләдә инди дә дини зијарәтҝаһлардакы нәзир гутуларына нәзарәт әввәлки кими Гафгаз Мүсәлманлары Идарәсинин сәлаһијәтиндәдир. Мараглыдыр, һәр ил өлкәдәки зијарәтҝаһлара нә гәдәр нәзир јығылыр? Мәсәлән, 2011-ҹи илдә топланан нәзирин үмуми мәбләғи мәлумдурму?
Модерн.аз бу суалла ГМИ-нин мәтбуат хидмәтинә мүраҹиәт едиб. Мәтбуат хидмәтиндән сајтымыза билдирилиб ки, 2011-ҹи ил әрзиндә ГМИ-нин табелијиндә олан иҹмалара үмумән фәалијјәтләри барәдә, о ҹүмләдән, малијјә һесабатларыны һазырлајараг Идарәјә тәгдим етмәләри тапшырылыб.
“Һәмин һесабатларда дини иҹмаларын мәхариҹләри вә дахил олан ианә вәсаитләри барәдә мәлуматлар әксини тапаҹаг. Мәлуматлар Идарәнин нәзарәт-тәфтиш шөбәсинә тәгдим олундугдан сонра суалыныза ҹаваб верә биләрик”-дејә ГМИ-дән билдирилиб.
Диггәт: Хәбәрдән истифадә етдикдә мәнбәјә истинад лазымдыр
