Әһли Бејт -АБНА- хәбәр аҝентлијинин вердији хәбәрә әсасән әлијевләр режиминдә Мәсҹидафобија өзүнүн јени мәрһәләсинә гәдәм гојуб. Белә ки, Мәсҹидлә саваша галхмыш әлијевләр Јасамал рајонундакы “Муһәммәд Мәсҹиди”н, Нефт Дашларындакы Мәсҹиди дағыдараг јерлә јексан етдикдән сонра, Ҝүнәшли гәсәбәсиндә јерләшән “Ханым Фатимәји Зәһра” Мәсҹидини дағытмаг истәдикдә Диндарларын мүгавимәти илә үзләшди. Белә һалда мөвҹуд режим һијләјә әл атараг “Ханым Фатимәји Зәһра” Мәсҹидин “тәмир” ады илә халгын үзүнә бағлады. Артыг бу һадисәдән үч ил өтүр. План долмајыб. Ахы әлијевләр бәднам Евровисиона һазырлашыр. “Ҝејләрин” кефини позан һәр бир шеј јох едилмәлидир.
әлијевләр инди дә дүҝәр һијләјә әл атараг Мәсҹидләри јандырмагла бир-бир сырадан чыхардыр.
Алдығымыз әлумата ҝөрә Саатлы рајонунун мәркәзиндә јерләшән Имам Әли Мәсҹиди јаныбырылыб.
Бу барәдә јерли сакинләр мәлумат вериб. Мәлуматда билдирилир ки, мәсҹиддә јанғын ахшам саатларында башлајыб. Башлајан ҝүҹлү јанғынын гаршысыны алмаг мүмкүн олмајыб. Һадисә јеринә рајонун јанғынсөндүрәнләри ҹәлб олунуб. Буна бахмајараг, мәсҹидин тамамилә јандығы билдирилир.
Гејд едәк ки, Мәсҹидин 600 нәфәрлик тутуму вармыш
Хатырладаг ки, 21 Феврал 2012 тарихиндә Хачмаз рајонун Гараҹәли кәндиндә дә мәсҹиддә јанғын баш вериб.
Јанғын нәтиҹәсиндә 50 квадратметрлик мәсҹидин 40 квадратметрлик һиссәси јаныб.
Диггәт: Хәбәрдән истифадә етдикдә мәнбәјә истинад лазымдыр
