Әһли Бејт -АБНА- хәбәр аҝентлијинин вердији хәбәрә әсасән Хоҹалы сојгырымы — 1992-ҹи ил февралын 25-дән 26-на кечән ҝеҹә Ермәнистан Силаһлы Гүввәләри Русијанын 366-ҹы мотоатыҹы алајынын иштиракы илә Хоҹалы шәһәрини ишғал едәркән, етник азәрбајҹанлылара гаршы баш вермиш сојгырымдыр.
Бу фаҹиә Дағлыг Гарабағ мүнагишәси заманы баш вермиш ән дәһшәтли һадисәләрдән биридир.
1992-ҹи ил февралын 25-дән 26-на кечән ҝеҹә Ермәнистан силаһлы гүввәләри ССРИ дөврүндән Ханкәнди (Степанакерт) шәһәриндә јерләшән 366-ҹы мотоатыҹы алајын зиреһли техникасы вә һәрби һејәтинин көмәклији илә Хоҹалы шәһәрини ишғал етди.
Һүҹумдан әввәл, февралын 25-и ахшам шәһәр топлардан вә ағыр артилеријадан шиддәтли атәшә тутулду. Нәтиҹәдә, февралын 26-ы сәһәр саат 5 радәләриндә Хоҹалы там алова бүрүндү.
Мүһасирәјә алынан шәһәрдә галмыш тәгрибән 2500 нәфәр хоҹалылы Ағдам рајонунун мәркәзинә чатмаг үмиди илә шәһәри тәрк етди. Амма бир ҝүнүн ичиндә јер үзүндән силинән шәһәри тәрк едән 2500 Хоҹалы сакининдән 613-ү дүшмән ҝүлләсинә туш ҝәлиб гәтлиамын гурбаны олду.
Бу сојгырым нәтиҹәсиндә 63-ү ушаг, 106-сы гадын, 70-и гоҹа вә гары олмагла – 613 нәфәр Хоҹалы сакини гәтлә јетирилди, 8 аилә тамамилә мәһв едилди, 25 ушаг һәр ики валидејнини, 130 ушаг валидејнләриндән бирини итирди. Дүшмән ҝүлләсинә туш ҝәлиб јараланан 487 нәфәрдән 76-сы ушаг иди. 1275 хоҹалылы әсир, 150 хоҹалылы иткин дүшдү.
Дөвләтин вә әһалинин әмлакына 1 апрел 1992-ҹи ил тарихинә олан гијмәтләрлә 5 млрд. рубл дәјәриндә зијан вурулмушдур.
Биз АБНА оларг бу дәһшәтли сојгырымы башда Имам Заман (Аллаһ онун зүһурун тезләшдирсин) һәзрәтләри олмагла онун һагг Наиби Имам Хаменеји ҹәнабларына вә бүтүн дүнја һаггсевәрләринә дәрин башсағлығы веририк.
Илаһи бу вәһшилији төрәдәнләрин ҹавабын бизим халгымызын әли илә вер. Амин!
Диггәт: Хәбәрдән истифадә етдикдә мәнбәјә истинад лазымдыр
