Әһли Бејт -АБНА- хәбәр аҝентлијинин вердији хәбәрә әсасән февралын 13-дә Ҝәнҹләрин Һүгугларыны Мүдафиә Комитәси митинг кечирмәклә бағлы Бакы Шәһәр Иҹра Һакимијјәтинин башчысы Һаҹыбала Абуталыбова мүраҹиәт едиб.
Һәмин мүраҹиәтдә мартын 4-дә саат 15:00-дан 17:00-дәк өлкәнин әрази бүтөвлүјүнүн тәмин олунмасы, рүшвәтсиз тәһсил вә сијаси мәһбусларын азад олунмасы тәләби илә митинг кечириләҹәји билдирилир. Митингдә “Сијаси мәһбуслара азадлыг!”, “Гарабағ!” вә “Рүшвәтә јох!” шүарларынын сәсләндирилмәси нәзәрдә тутулур.
Бу ҝүнәдәк Бакы Шәһәр Иҹра Һакимијјәти мүраҹиәтә һеч бир ҹаваб вермәјиб.
Комитә јеткилиләри бу мәсәлә вә митингә һазырлыг, митинг өнҹәси кечирилән ҝөрүшләр вә диҝәр бу кими мәсәләләрлә бағлы 23 феврал 2012-ҹи ил тарихдә, саат 12:00-да ВҺП-нин мәркәзи гәрарҝаһынын акт залында мәтбуат конфрансы кечирәҹәк.
Гејд едәк ки, 25 феврал тарихдә, саат 15:00-да ВҺП-нин акт залында мүхалифәт вә мүстәгил ҝәнҹләрин “Ҝәләҹәк наминә” форуму да тәшкил едиләҹәк.
Хатырладаг ки, мүраҹиәт Ҝәнҹләрин Һүгугларыны Мүдафиә Комитәси(ҜҺМК) тәрәфиндән едилиб. ҜҺМК-да 4 партија ,5 тәшкилат – “Азад Ҝәнҹлик” Тәшкилаты, “Мүсбәт дәјишиклик” Ҝәнҹләр Һәрәкаты, “Далға” Ҝәнҹләр Һәрәкаты, “НИДА” Вәтәндаш Һәрәкаты, “Инсан Һүгуглары Клубу” , “Вәтәндаш Һәмрәјлији Партијасы”, “Мусават Партијасы”, “Азәрбајҹан Халг Ҹәбһәси Партијасы” вә “Азәрбајҹан Демократ Партијасы” Ҝәнҹләр Тәшкилатлары тәмсил олунурлар.
Диггәт: Хәбәрдән истифадә етдикдә мәнбәјә истинад лазымдыр
