Әһли Бејт -АБНА- хәбәр аҝентлијинин вердији хәбәрә әсасән: Азәрбајҹанда сијаси аб-һаванын һәр ҝүн һисс олунаҹаг гәдәр дәјишмәси вә халгын сијаси активлијинин өтән илләрә мүгајисәдә нисбәтән артмасы һакимијјәт дүшәрҝәсиндә тәшвиш һиссләри јарадыр. Мүхтәлиф груплашмалармалара парчаланмыш һакимијјәт дүшәрҝәсинин әсас ганадларындан бири олан Нахчыван груплашмасынын артыг һәјаҹан тәбили чалдығы билдирилир.
Әлдә етдијмиз мәлуматда билдирилир ки, Нахчыван груплашмасы «ҹин бутулкадан чыхмадан» һәм сәрт тәдбирләрин һәјата кечирилмәсини, һәм дә ејни заманда кисәнин ағзыны ачмағы тәклиф едир.
Нахчыван груплашмасы мүхалифәтә гаршы даһа сәрт тәдбирләрин һәјата кечирмәклә јанашы, касыб әһалинин газанҹынын арытырылмасы үчүн тәдбирләрин һәјата кечирилмәси тәклифини ирәли сүрүр. Сөһбәт касыб вә наразы әһалинин мүәјән гәдәр ишлә тәмин олунмасындан, үнванлы сосиал јардымларын верилмәсиндә олан әнҝәлләрин ортадан галдырылмасындан, кәнд тәсәррүфатына олан дөвләт гајғысынын артырылмасындан вә с. тәдбирләрин әлә алынмасындан ҝедир.
Мәнбә билдирир ки, һакимијјәтин ислаһатчы ганады кими танынан груплашма исә, һакимијјәтә јени нәфәс ҝәтирмәк үчүн һөкүмәтин бөјүк әксәријјәтини дәјишдирмәклә бу планы дәстәкләјир. Онларын фикринҹә јахын бир ил мүддәтиндә һөкүмәтин дәјишдирилмәси вә јениләнмәси һакимијјәтә ән азындан 5 ил раһатлыг ҝәтирәҹәк. Ислаһатчы ганад һакимијјәтин бүтүн ганадларында ҹидди кадр дәјишиклтјинин апарылмасы кими чыхыш едир ки, бу да тәбии олараг Нахчыван груплашмасыны нараһат едир. Нахчыван груплашмасы исрарла һөкүмәт дәјишиклинә гаршы чыхыр. «Көһнә гвардија» бу планын онлара гаршы олдуғуну јахшы анлајыр вә бүтүн ҝүҹү илә бу плана гаршы чыхыр.
Мәнбә һесаб едир ки, ола билсин, һакимијјәт груплашмалары разылыға ҝәлсинләр вә јениләшмиш һакимијјәтин груплар арасында бөлүшдүрүлмәси баш версин. Бу һалда индики пропорсијанын горунуб сахланмасы бу проссесин реаллашмасына әсас манеәдир. Чүнки бүтүн груплашмалар һәм өз јерләрини горујуб сахламаг, һәм дә өз ҝүҹләрини бир гәдәрдә артыгмағы дүшүнүрләр. Бу исә разылығын әлдә олунмасыны проблемә чевирир.
Диггәт: Хәбәрдән истифадә етдикдә мәнбәјә истинад лазымдыр
