Ислам дини фәрди әһкамлар тапшырмагла јанашы бизә иҹтимаи ҝөстәришләр дә тапшырмышдыр. Динимиз бизә бирҝә јашадығымыз инсанлара јардым етмәји вә онларын проблемләринин һәлл олунмасында јахындан иштирак етмәји хүсусилә гејд етмишдир. Бу барәдә мәсумлардан онларла һәдисләр бујрулмушдур.
Ислам дининдә ҹамаата көмәк етмәјин нә гәдәр мүһүм бир ҝөстәриш олдуғуну чатдырмаг үчүн дөврүмүзүн мәшһур мәрҹеи-тәглидләриндән олан Ајәтуллаһул-Үзма Шејх Фазил Ләнкәранинин (р) вәсијјәтиндән бир нечә ҹүмләни тәгдим едирик.
"Рәһман вә Рәһим Аллаһын ады илә!
Мән 50 илдир ки, Ислам динини өјрәнирәм. Иҹазә вер охудугларымын хүласәсини сәнә дејим.
Ваҹибатлары јеринә јетир. Мүстәһәб әмәл етмәјин әвәзинә исә баҹардығын гәдәр ҹамаатын ишләрини ҝөрмәјә тәләс вә онларын чәтинликләрини һәлл етмәјә чалыш.
Вә әҝәр Гијамәт ҝүнү сәндән буну нијә етдијини сорушсалар, денән Фазил демишди."
Диггәт: Хәбәрдән истифадә етдикдә мәнбәјә истинад лазымдыр
