"Әһли Бејт -АБНА- хәбәр аҝентлијинин вердији хәбәрә әсасән: Иран Ислам Республикасы дәниз донанмасы бу ҝүн сәһәр өлкәнин ҹәнуб суларында Вилајәт-90 маневринә башлајыб.Вилајәт-90 маневри 4 мәрһәләдә һәјата кечәҹәк. Белә ки, маневр бу ҝүндән етибарән 2012-ҹи ил јанварын 3-нә гәдәр давам едәҹәк.Иран Ислам Республикасы дәниз гүввәләринин команданы адмирал Һәбибуллаһ Сәјјари маневр башламаздан әввәл мәтбуат конфрансында әмәлијјат даирәсинин ҝенишлијини маневрин өзәл хүсусијјәтләриндән олдуғуну билдириб вә дејиб: "Бу маневр Иранын ҹәнуб суларындан Һинд океанынын шималына гәдәр давам едәҹәк."Иран Ислам Республикасы дәниз гүввәләринин команданы адмирал Һәбибуллаһ Сәјјари маневрин ҝениш мәкан даирәси вә тәҹһизатынын өзәллијини вурғулајараг диҝәр маневрләрлә мүгајисәдә чох фәргли олдуғуну билдириб вә дејиб: "Бу маневрдә Иран Ислам Республикасы ордусунун јени наилијјәтләри, баҹарыглары вә потенсиаллары нүмајиш етдириләҹәк. Иран Ислам Республикасы дәниз гошунларынын бу маневри һәрби тактика вә мәшгләр бахымындан дүшмәнин тәһдидләринә мүнасиб тәрздә һәјата кечириләҹәк."Иран Ислам Республикасынын азад суларда һәрби гүдрәтини нүмајиш етдирмәси, бејнәлхалг суларда даһа артыг иштиракы, маневр даирәсиндә ҝәмиләрә нәзарәт, дәнизчилик саһәсиндә еколожи тәһдидләр вә тәһлүкәсизлијин тәмини, һәмчинин дәниз пиратлары вә терроризмлә мүбаризә Вилајәт-90 һәрби маневринин мәгсәдләриндәндир. Диггәт: Хәбәрдән истифадә етдикдә мәнбәјә истинад лазымдыр
23 dekabr 2011 - 20:30
Xəbər kodu: 286091
Адмирал Һәбибуллаһ Сәјјари:“...Иран Ислам Республикасы дәниз гошунларынын бу маневри һәрби тактика вә мәшгләр бахымындан дүшмәнин тәһдидләринә мүнасиб тәрздә һәјата кечириләҹәк.
