Әһли Бејт -АБНА- хәбәр аҝентлијинин вердији хәбәрә әсасән: 2011 мајын 6-да Бакыда, Тәһсил Назирлијинин бинасы гаршысында кечирилән “Һиҹаба азадлыг” аксијасында иштирак едән вә полис тәрәфиндән шәрләнәрәк сахланан бир гисм вәтәндашларын Бакы Апелјасија Мәһкәмәсиндә јенидән ишләри ҝүндәмә ҝәтирилмишдир
Белә ки, Бакы Апелјасија Мәһкәмәси Нурани Мәммәдов, Араз Исмајылов вә Рүфәт Миријевә Нәриманов Рајон Мәһкәмәсинин октјабрын 7-дә чыхардығы һөкмү гүввәдә сахлајыб. Апелјасија шикајәтинә һаким Әмир Бајрамовун сәдрлик етдији һакимләр һејәти бахыб.
Гејд едәк ки, Нәриманов Рајон Мәһкәмәси Араз Исмајылову 2 ил 6 ај, Нурани Мәммәдов вә Рүфәт Миријевин һәр бири 2 ил мүддәтинә азадлыгдан мәһрум едиб.
Индијә гәдәр 13 нәфәр һаггында биринҹи инстансија мәһкәмәсинин һөкмү охунуб.
Вәкил Анар Гасымлы гејд едиб ки, Али Мәһкәмәјә касасија шикајәти һазырламаг үчүн Араз Исмајыловун гоһумлары онунла јени мүгавилә бағлајыб: “Декабрын 22-дә Бакы Истинтаг Тәҹридханасында сахланылан Араз Исмајыловла ҝөрүшдүм. Касасија шикајәтинин мүәјјән елементләрини мүзакирә етдик”.
Диггәт: Хәбәрдән истифадә етдикдә мәнбәјә истинад лазымдыр
