"Ислам гылынҹла тәрәгги етмәјиб. Бу тәрәгги Һүсејнин бөјүк фәдакарлығы сајәсиндә баш вермишдир. Мән мәзлум һалда гәләбә чалмағы Һүсејндән өрәнмишәм". Һиндистанын азадлыг һәрәкатынын башчысы вә идеологу Маһатма Гандинин бу сөзләрини һәр дәфә охујанда һејрәтләнирәм. Һәгигәтән дә Имам Һүсејн (ә) мәктәби инсана гејрәт ашылајыр. Кәрбәлада төкүлән һәр дамла ган Ислам ағаҹынын бөјүмәсинә сәрф едилдијинә һеч бир шүбһә галмыр. Нә хош о инсанларын һалына ки, бу мәктәби дәрк едир. Хошбәхт исә о инсанлардыр ки, мәһз бу гејрәт мәктәбинин тәләбәси олур.
Бу јахынларда Һәҹҹ зијарәтиндән гајыдан бир достум гәрибә бир сөз деди. “Аллаһла дост олмаг нә чәтин иш имиш.” Әлбәттә, илк бахышдан бу садә бир ҹүмлә олараг ҝөрүнә биләр. Амма бу ҹүмләнин архасында дәрин бир мәна ҝизләнир. Ачыгламасыны сорушдум. Мараглы ҹаваб алдым. “Кәбә еви елә бир јердәдир ки, ора дүнјанын ән чөкәк мәнтәгәсидир вә һәддән артыг истидир. Ынди бир анлыг Ибраһим (ә) пејғәмбәрин дөврүнү тәсәввүр елә вә дүшүн ки, Аллаһла дост олмаг үчүн инсан өз аиләсини вә көрпә ушағыны белә бир јердә гојуб ҝедир. Сән буну едә биләрдин?”
Дүшүнүрәм... Аллаһла дост олмаг үчүн нәји гурбан вермәк олар јенә бир даһинин сөзүнү хатырлајырам... Инҝилтәрә јазычысы Чарлз Диккенс өз хатирәләриндә јазыр: "Әҝәр Һүсејн гијам етдикдә мәгсәди өз дүнјәви истәкләринә чатмаг олубса, мән баша дүшә билмирәм бәс нәјә ҝөрә баҹысыны, зөвҹәсини вә өвладларыны өзү илә апарыб. Бу онун ҝөстәриҹисидир ки, о јалныз Ислам уғрунда фәдакарлыг едиб".
Бүтүн бунларын фонунда јола салмаға һазырлашдығымыз 2011-ҹи или хатырлајырам. Ил башлајар-башламаз Һүсејн (ә) ашигләринин һәбси башлады. Бурда бир нәфәри хатырлатмаг истәјирәм. Һаҹы Абҝүл Сүлејманов. Ҝөрәсән Һаҹы Абҝүл нијә һәбс олунуб? Ахы о нә иш ҝөрмүшдү ки, бу гәдәр “тәһлүкәли” олуб? Суаллар, суаллар јенә дә суаллар... дүздүр бу ҝүн Һаҹы Абҝүлүн һәбсдә олмасы бизи ағрыдыр. Амма Аллаһла дост олмаг асан дејил ахы... Һәм дә бу јердә јенә Имам Һүсејн (ә) мәктәби һаггында дејилмиш бир сөзү дә хатырлајырам. Шотландија әсилли тарихчи, философ вә јазычы Томас Карлајл јазыр ки, "...Һүсејн аз сајла гәләбә чалмасы мәни һејрәтә ҝәтирмишдир". Бах будур әсл мәтләб. Будур Абҝүлүн ҝүҹү. Чүнки Һүсејн (ә) мәктәбинин ардыҹылыдыр. Чүнки јери ҝәләндә күфрә гаршы чыхмаг үчүн Һәҹҹи јарымчыг гојуб “Мәним Һәҹҹим Кәрбәлададыр. Гурбанымы орда кәсәҹәјәм...” демәји баҹарыр.
P.S: Амма тәәссүф едирәм... О наданлара ки, бу мәктәбин дәјәрини анлаја билмир. Тәәссүф едирәм ки, бу наданлар ән азы мәсиһи кешиш Антонио Баранын дәрк етдијини баша дүшмүр. "Әҝәр Һүсејн бизә аид олсајды, һәр јердә онун адына бир бајраг вә минарә уҹалдардыг вә ҹамааты христианлыға дәвәт едәрдик". |Әли Ҹәфәри|
Диггәт: Хәбәрдән истифадә етдикдә мәнбәјә истинад лазымдыр
