Әһли Бејт -АБНА- хәбәр аҝентлијинин вердији хәбәрә әсасән :Русијанын баш назири сечкиләрдән сонра јер алан етиразлары шәрһ едәрәк Американын чыхардығы илк нәтиҹәләринин еркән олдуғуну билдириб.
“Мән америкалы партнјорларымызын илк реаксијасыны ҝөрдүм. Дөвләт катиби АТӘТ-ин Демократик Тәсисатлар вә Инсан Һүгуглары үзрә Бүросунун материалларыны алмамышдан өнҹә белә сечкиләри гејри-әдаләтли вә гејри-дүрүст адландырыб”, - Владимир Путин дејиб.
Онун сөзләринә ҝөрә, бу, өлкә дахилиндә сигнал кими гәбул едиләрәк Дөвләт Департаментинин көмәји илә фәал ишә тәкан верди.
Дөвләт департаментинин сөзчүсү Владимир Путинин бәјанатыны “һәгигәтдән узаг” кими дәјәрләндириб.
Русија баш назири дејиб ки, вәтәндашларын әксәријјәти “вәзијјәтин Украјна вә Гырғызыстандакы кими инкишафынын әлејһинәдир”.
“Биз өз суверенлијимизи горумаға борҹлујуг вә ганунвериҹилијин тәкмилләшмәси, дахили сијаси просесләрә тәсирлә бағлы хариҹи өлкәләрин вәзифәләрини јеринә јетирәнләрин мәсулијјәтинин артырылмасы үзәриндә дүшүнмәлијик”, - Путин билдириб.
Дөвләт департаменти билдириб ки, Американын малијјәләшдирмә програмлары бу вә диҝәр сијаси груплара һимајәдарлыг дејил, даһа “шәффаф, азад вә әдаләтли сечки просесинин” дәстәјинә хидмәт едир.
Диггәт: Хәбәрдән истифадә етдикдә мәнбәјә истинад лазымдыр
