Әһли Бејт -АБНА- хәбәр аҝентлијинин вердији хәбәрә әсасән: Бакы шәһәр јол полиси автомобилләрдә Мәһәррәмлик ајы илә бағлы реклам јазыларынын јерләшдирилмәсинин ганунаујғун олуб-олмамасына ајдынлыг ҝәтириб.
Бакы шәһәр Дөвләт Јол Полиси Идарәсинин бөлмә рәиси Вагиф Әсәдов базар ертәси билдириб ки, нәглијјат васитәләриндә реклам јазыларынын јерләшдирилмәси реклам һаггында ганунвериҹилијин тәләбләринә ујғун һәјата кечирилмәлидир. Онун сөзләринә ҝөрә, автомобилләрдә һәр һансы рекламын јерләшдирилмәси јол полиси илә разылашдырылмалыдыр. Һәмин рекламын автомобилдә јерләшдирилмәсинә бир ил мүддәтинә иҹазә верилир.
Әсәдов билидириб ки, Мәһәррәмлик ајы илә бағлы автомобилләрдә реклам јазыларыын верилмәси илә әлагәдар јол полисинә һәләлик мүраҹиәт дахил олмајыб.
"Јол полиси әмәкдашлары белә јазы олан һәр һансы автомобили ашкар едәрсә, һәмин автомобил сахланылаҹаг вә сүрүҹүдән реклама иҹазә верән сәнәд тәләб олунаҹаг. Әҝәр белә сәнәд олмаса, сүрүҹү вә ја автомобил саһиби инзибати гајдада ҹәзаландырылаҹаг вә барәсиндә протокол тәртиб олунаҹаг", - Әсәдов дејиб. Идарә сөзчүсү бунунла әлагәдар сүрүҹүләрә мүраҹиәт едәрәк реклам һаггында ганунвериҹилијин тәләбинә риајәт етмәји төвсијә едир.
Диггәт: Хәбәрдән истифадә етдикдә мәнбәјә истинад лазымдыр
