Әһли Бејт -АБНА- хәбәр аҝентлијинин вердији хәбәрә әсасән: Авропа өлкәләрини бүрүјән бөһран далғасы ҝетдикҹә дәринләшир. Сон мәлуматлара ҝөрә, Аворпа Бирлијинин (АБ) дајағы һесаб едилән Франсанын Јунаныстан, италија, Португалија, испанија вә ирландијадан алаҹағы борҹун үмуми мәбләғи 675,8 милјард доллары кеҹиб. Бу да милли ҝәлирин 1/4 -нә бәрабәрдир. Ону да гејд едәк ки, Франса малијјә бөһраны јашајарса, просес АБ-нин дағыламасына гәдәр ҝедиб чыха биләр. Јери ҝәлмишкән, Авропа Комиссијасынын президенти Жозе Мануел Барроза, Авропа Бирлијинин давам едән борҹ бөһранын гаршысыны ала билмәмәси гурумун һалында дағылаҹағына даир хәбәрдарлыг едиб.
игтисади вә Сосиал инкишаф Мәркәзинин експерти Рәшад Һәсәнов билдирир ки, Франсанын италијадан алмалы олдуғу дөвләт вә өзәл сектор борҹу 392,6 милјард доллардыр. Һансыки бу да италијанын хариҹи борҹларынын 45 фаизинә бәрабәрдир: «Бу мәбләғ Алманија илә мүгајисәдә 2 дәфә артыгдыр. Тәкҹә Јунаныстанын борҹларынын бағышланмасы сәбәбиндән Франса банкларынын итҝиси 9 милјард авро олуб. Белә һал диҝәр батмагда олан Авропа өлкәләринә шамил олунарса ҝери алынмајаҹаг вәсаит 350 милјарддан ҹох тәшкил едәҹәк. Нәтиҹәдә һөкумәтин 2008-ҹи илдәки кими банкларын батма тәһлукәсинә гаршы онлары јенидән дөвләт мүлкијјәтинә кечиртмәси ҝөзләниләндир. Бу һалда бүдҹә хәрҹләринин ҝөзләнилмәдән чохалмасы 5,7 фаиз олмагла АБ нормасындан 2 дәфә ҹох олан бүдҹә кәсиринин даһа да артмасына ҝәтириб чыхара биләр».
игтисадчы билдирир ки, Франсанын ән бөјүк 3 банкы БНП Парибас, Ҹредит Аҝриҹоле вә Соҹиате Ҝенерале даһа бөјүк риск алтындадыр: «Сөзүҝедән банкларын сәһмләри тәхминән 12-14 фаиз уҹузлашыб».
Франса һөкумәтинин өлкә игтисадијаты үчүн артым прогнозуну 2 дәфә азалтдығыны вурҝулајан експерт 2011-2012-ҹи илләр үчүн бу ҝөстәриҹинин 1 фаиз олаҹағынын тәхмин едилдијини дејир: «Јени илин Франса игтисадијаты үчүн даралма или олҹағы һәгигәтә даһа јахындыр. Ҹүнки һөкумәтин һазырладығы јени «кәмәр сыхма» програмында 2012-ҹи ил үчүн дөвләт хәрҹләрини 7 милјард авро азалтмаг нәзәрдә тутулуб. Ејни заманда иллик дөвријјәси 250 милјону кеҹән ири ширкәтләр үчүн гурумлар верҝисинин 5 фаиз артырылаҹағы, бир ҹох әмтәә вә хидмәтләр үчүн әлавә дәјәр верҝисинин 5,5 фаиздән 7 фаизә ҹатдырылаҹағы нәзәрдә тутулур ки, бу да һасилат марағынын ашағы дүшмәсинә ҝәтириб ҹыхараҹаг. Франса үҹүн бир зәрбә дә бејнәлхалг кредит дәрәҹәләндирмә тәшкилатларындан ҝәлә биләр. Белә ки, бу өлкәјә хас олан узун мүддәтли кредитләр үҹүн етибарлылыг дәрәҹәси ААА азалдыларса өлкә игтисадијјатынын инвесторлар үчүн әһәмијјәти азалаҹаг. Үмуми мәнзәрәдән ајдын олур ки, Франса дәрин игтисади бөһранын бир аддымлығындадыр. Просесләрин гаршысыны алмаг мүмкүн ҝөрүнмүр».
Диггәт: Хәбәрдән истифадә етдикдә мәнбәјә истинад лазымдыр
