Әһли Бејт -АБНА- хәбәр аҝентлијинин вердији хәбәрә әсасән: Теһранын мүвәггәти имам ҹүмәси сонра дејиб: "Вашингтонун башчылығы илә Гәрбин Теһрана гаршы тәзјигләринин шиддәтләнмәсинә рәғмән, иран сүлһсевәр нүвә фәалијјәтләриндән әл чәкмәјәҹәк".
ирана гаршы ардыҹыл гәтнамәләрин чыхарылмасынын Америка вә бу өлкәнин мүттәфигләринин чашбашлығынын нишанәси олдуғуну билдирән Ајәтуллаһ Әһмәд Ҹәннәти сонра дејиб: "Дүшмәнләр иранын сүлһсевәр нүвә енержисиндән истифадәдә принсипиал мөвгеләриндән бир ан белә ҝери чәкилмәјәҹәјини билмәлидир".
Теһранын ҹүмә намазы хәтиби Америка тәрәфиндән иранын ислам ингилабы Кешикчиләр Корпусу Сепаһ командирләринин террор едилмәси үзрә фитнәкар плана ишарә едәрәк бу һадисәни АБШ вә онун мүттәфигләринин зәлиллијинин кулминасија нөгтәси адландырыб.
О, дејиб: Бу һадисә онларын Сепаһ вә Бәсиҹдән олан горхуларынын нишанәсидир. Амма дүшмәнләр билмирләр ки, Сепаһ вә Бәсиҹ 8 иллик Мүгәддәс Мүдафиә заманы кими даим шәһадәт ашиги олуб.
Теһранын ҹүмә намазы хәтиби Америка вә диҝәр өлкәләрдә етираз едәнләрин дөјүлмәси вә гәтлә јетирилмәсинин гәрблиләрин јаланчылыглары вә ријакарлыгларынын бариз нүмунәси олдуғуну да билдириб.
Ајәтуллаһ Ҹәннәти дејиб: Һазырда Америка вә онун әлалтыларынын һәгиги симасы кечмишдәкиндән даһа да ашкардыр.
Теһранын мүвәггәти имам ҹүмәси сонда Мәһәррәм ајынын јахынлашмасы илә әлагәдар дејиб: имам Һүсејн (ә) вә Әһли-бејт (ә) әзадарлыглары бу ил дә там әзәмәтлә тәшкил олунаҹаг.
Диггәт: Хәбәрдән истифадә етдикдә мәнбәјә истинад лазымдыр
