Әһли Бејт -АБНА- хәбәр аҝентлијинин вердији хәбәрә әсасән: Ишғалчы Исраил режимин баш назири Бенјамин Нетанјаһу парламентдә чыхыш едәрәк дүнјанын мүхтәлиф бөлҝәләриндә, о ҹүмләдән Әрәб өлкәләриндә баш верән Ислами ингилаблары писләјиб.
Јерли вә хариҹи сијасәтчиләри силсилә Ислами ингилаблара дәстәк вермәкдә ҝүнаһландыран баш назир дејиб: “Гәрб өлкәләринин лидерләри, хүсусән Барак Обама Мисир президенти Һүснү Мүбарәки мүдафиә етмәмәклә сәһвә јол вердиләр. Онлар өзләрини садәлөвһҹәсинә апардылар, реаллығы анламадылар”.
Нетанјаһу Әрәб өлкәләриндәки ингилабларын Гәрб әлејһинә, Исраил әлејһинә, либерализм әлејһинә олаҹағыны, антидемократик вә ислами характер дашыјаҹағыны әввәлҹәдән ҝөрдүјүнү вурғулајыб: “Ислами Ингилаблар әрәб өлкәләрини ирәли јох, ҝери апарыр вә мүсбәт әламәт сајыла билмәз”.
Гоншу Иорданијада сәлиб мәншәли һашимиләр сүлаләсинин јыхылмасы еһтималындан нараһатлығыны дилә ҝәтирән баш назир әрәб халгынын нормал демократик вә анти-Ислам систем гурмаг игтидарында олмадығына инандығыны билдириб.
Диггәт: Хәбәрдән истифадә етдикдә мәнбәјә истинад лазымдыр
