Әһли Бејт -АБНА- хәбәр аҝентлијинин вердији хәбәрә әсасән: pафиг тағы өлүмҹүл бычагланыб. Бир нечә ҝүн бундан әввәл АБШ-ын “FOX” телевизијасы белә бир мәлумат јајмышды ки, Иран һөкумәти Азәрбајҹанда гарышыглыг јаратмаг үчүн өлкәнин танынмыш журналистләриндән вә мүхалифәт лидерләриндән биринә гаршы суи-гәсд төрәтмәк истәјир.
ФактХебер.сом-ун “АБШ телевизијасы тәрәфиндән јајылан мәлуматын рафиг тағынын өлүмҹүл бычагланмасы илә һәр һансы бир әлагәси вармы” суалына ајдынлыг ҝәтирән политолог Зәрдүшт Әлизадә, бу ҝүнә гәдәр баш верән бу ҹүр һадисәләрин Азәрбајҹанда үмуми аналоҝијанын вә вәзијјәтин гејри-сағламлығындан мејдана ҝәлдијини билдирди: “Һәр һансы бир һадисә барәдә о вахт сөз демәк олар ки, һәмин һадисә барәсиндә дәгиг, гәрәзсиз експертиза вә полис рәји олсун. Азәрбајҹанда исә објектив, гәрәзсиз фикир сөјләјән полис вә прокурорлуг системи мөвҹуд дејил. Мәним дә әлимдә бу һадисә илә бағлы һәр һансы бир факт јохдур. Әҝәр ҹани тутулмајыбса вә шәхсијјәти мәлум олмајыбса, мәндә шүбһә вә тәхмин јохдур ки, ким буну төрәдә биләр. Кимин нә үчүн етдији һәлә ки, мәлум дејил. Вахташыры олараг Азәрбајҹанда гәтлләр вә суи-гәсдләр баш вериб. Мән баш верәнләрин һамысыны Азәрбајҹанда үмуми аналоҝијанын вә вәзијјәтин гејри-сағлам олмасы илә изаһ едирәм”
- Зәрдүшт бәј, әҝәр јадыныздадырса Украјнада “нарынҹы ингилаб” олмамышдан әввәл өлкәнин нүфузлу журналистләриндән бири гәтлә јетирилди. Вә бундан сонра өлкәдә аксијалар башлады. Сизҹә буну нәзәрә алсаг, бу һадисәни Гәрбин Хүсуси Тәһлүкәсизлик органларынын өлкәдә гарышыглыг јаратмасы үчүн төрәтдијини демәк олармы?
- Азәрбајҹанла Украјнаны мүгајисә етдикдә, һамы мәсәләнин заһири тәрәфини ҝөтүрүр. Маһијјәтдә исә там фәргли вәзијјәтләр мөвҹуддур. Дејәрдим ки, әҝәр Украјнанын һаким даирәсиндә вә елитасында там јары бөлүнмүш парчаланма олмасајды, һеч вахт “нарынҹы ингилаб” баш вермәзди. Азәрбајҹанда исә һаким зүмрә јумруг кими мөһкәмдир вә һамысы нефт-газ ҝәлирләрини араларында бөлүшдүрәрәк ҹибләринә өтүрмәк мәгсәди наминә бирләшибләр. Нәзәрә алсаг ки, Украјнанын мүхалифәт лидери 7 ил Украјна Мәркәзи Банкынын рәһбәри вә 2 ил баш назир олмушдур. О, күчәдән ҝәлән бир адам дејилди. Азәрбајҹанда исә вәзијјәт фәрглидир. Ола билсин ки, һансыса хариҹи гүввә өлкәдә вәзијјәти гарышдырмаг истәјиб. Бунунла бағлы дөвләт башчысына исмарыҹ верибләр ки, биз истәдијимизи һәјата кечирдирик, сән ҝәрәк бизим бүтүн шәртләримиз гәбул едәсән. Амма ҝөрмүрәм ки, Илһам Әлијев хариҹи дөвләтләрин һансыса шәртини гәбул етмәсин. Хариҹи дөвләтләрин һамысы нә дејирләрсә, Илһам Әлијев ләббејк дејир.
Диггәт: Хәбәрдән истифадә етдикдә мәнбәјә истинад лазымдыр
